NewsKerala

ബിനോയ് കോടിയേരിയ്ക്കെതിരെ രണ്ട് മാസം മുൻപ് സിപിഎം കേന്ദ്ര നേതൃത്വത്തിനു യുവതി പീഡന പരാതി നൽകിയിരുന്നു ; പൊലീസിനു കൈമാറാതെ പരാതി പൂഴ്ത്തി വച്ചു

തിരുവനന്തപുരം : ബിനോയ് കോടിയേരിയ്ക്കെതിരെ രണ്ട് മാസം മുൻപ് തന്നെ ബീഹാർ സ്വദേശിനി സിപിഎമ്മിനു പരാതി നൽകിയിരുന്നതായി റിപ്പോർട്ട് . വിവാഹ വാഗ്ദാനം നൽകി വഞ്ചിച്ചുവെന്നാണ് യുവതി നൽകിയ പരാതി .

ജൂൺ 13 നാണ് യുവതി നൽകിയ പരാതിയിൽ മുംബൈ പൊലീസ് ബിനോയിക്കെതിരെ എഫ് ഐ ആർ രജിസ്റ്റർ ചെയ്തത് . അതിനും വളരെ മുൻപേയാണ് യുവതി സിപിഎം നേതൃത്വത്തിനു പരാതി നൽകിയത് . ഈ പരാതിയിൽ സിപിഎം ചർച്ചയും നടത്തി . എന്നാൽ കേരളത്തിലെ പാർട്ടി സെക്രട്ടറിയുടെ മകനെതിരെ ഉയർന്ന പീഡന പരാതി നവോത്ഥാന പാർട്ടി പൂഴ്ത്തി വയ്ക്കുകയായിരുന്നു .

നേതൃയോഗങ്ങൾക്കായി ഡൽഹിയിലെത്തിയ സംസ്ഥാന നേതാക്കളും വിവരം അറിഞ്ഞിരുന്നെങ്കിലും , വ്യക്തിപരമാണെന്ന് കാട്ടി തീരുമാനമെടുത്തില്ലെന്നാണ് സൂചന . വ്യക്തിപരം എന്നതിലുപരി ലോക്സഭാ തെരഞ്ഞെടുപ്പ് പ്രചാരണം നടക്കുന്ന സമയമായിരുന്നതിനാലാണ് പരാതിയിൽ തീരുമാനമെടുക്കാതിരുന്നതെന്നതും വ്യക്തം . മാത്രമല്ല പാർട്ടി നേതാക്കളാരും പരാതിയിൽ ഇടപെടരുതെന്ന നിർദേശവും കേന്ദ്ര നേതൃത്വം നൽകിയിരുന്നു .

എന്നാൽ സ്ത്രീ സ്വാതന്ത്ര്യത്തിനു വേണ്ടി നിലകൊള്ളുന്നുവെന്ന് ഊറ്റം കൊള്ളുന്ന പാർട്ടി പീഡന പരാതി പൊലീസിനു കൈമാറാൻ പോലും തയ്യാറാകാതെ മറച്ച് വയ്ക്കുകയും ,പ്രതിസ്ഥാനത്തുള്ള ബിനോയിയെ സംരക്ഷിക്കുകയും ചെയ്തതിനെതിരെ പ്രതിഷേധം ശക്തമാണ് .

2K Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close