Kerala

തിരുവനന്തപുരം വിമാനത്താവളം വഴിയുള്ള സ്വര്‍ണക്കടത്ത്; പ്രകാശ്തമ്പിയും വിഷ്ണുവും മുഖ്യകണ്ണികള്‍

തിരുവനന്തപുരം: ബാലഭാസ്‌കറിന്റെ സൂഹൃത്തുക്കളായ വിഷ്ണുവും പ്രകാശന്‍ തമ്പിയും ചേര്‍ന്ന് 200 കിലോയിലധികം സ്വര്‍ണ്ണം കടത്തിയതായി ഡിആര്‍ഐ കണ്ടെത്തി. നവംബര്‍ മുതല്‍ മെയ് വരെയുള്ള കാലയളവില്‍ വിഷ്ണു 10 തവണയും പ്രകാശന്‍ തമ്പി 7 തവണയും ദുബായിയിലേക്ക് യാത്ര ചെയ്‌തെന്നും ഡിആര്‍ഐ കണ്ടെത്തി. എന്നാല്‍ ബാലഭാസ്‌ക്കര്‍ ജീവിച്ചിരുന്നപ്പോള്‍ ഇരുവരും സ്വര്‍ണ്ണക്കടത്ത് നടത്തിയതിന് തെളിവുകള്‍ ഇല്ലെന്നും ഡിആര്‍ഐ വ്യക്തമാക്കി.

സ്വര്‍ണക്കടത്തിന് സഹായിച്ച കസ്റ്റംസ് സൂപ്രണ്ട് രാധാകൃഷ്ണനെ പരിചയപ്പെടുന്നത് ബാലഭാസ്‌ക്കറിന്റെ പേര് പറഞ്ഞാണെന്ന് മൊഴി ലഭിച്ചിട്ടുണ്ട്. ബാലഭാസ്‌ക്കറിന്റെ മരണ ശേഷമാണ് ആ പേര് പറഞ്ഞ് പ്രകാശന്‍ തമ്പി പരിചയപ്പെട്ടതെന്നാണ് രാധാകൃഷ്ണന്‍ മൊഴി നല്‍കിയത്.

പ്രകാശന്‍ തമ്പി 150 കിലോ സ്വര്‍ണവും വിഷ്ണു 60 കിലോ സ്വര്‍ണവുമാണ് കടത്തിയത്. സ്ത്രീകളെ മറയാക്കിയായിരുന്നു ഇവരുടെ സ്വര്‍ണക്കടത്തെന്നും സ്വര്‍ണക്കടത്തില്‍ പങ്കാളിയായ നാല് സ്ത്രീകള്‍ ഒളിവിലാണെന്നും ഡിആര്‍ഐ വിശദമാക്കി.

221 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close