UAE

കെ. എസ് . സി. വായന വാരാചരണം ശ്രദ്ധേയമായി

അബുദാബി കേരള സോഷ്യൽ സെന്റർ മലയാളം മിഷനുമായി  സഹകരിച്ചുകൊണ്ട്  വായനദിന-  വാരാചരണത്തിന്റെ  ഭാഗമായി  ” അ..ആ..ഇ..ഈ ” എന്ന പേരിൽ സംഘടിപ്പിച്ച പരിപാടി മേന്മ കൊണ്ടും  പങ്കാളിത്തം കൊണ്ടും    ശ്രദ്ധേയമായി. പരിപാടിയുടെ  ഭാഗമായി  വായന മത്സരം, കയ്യെഴുത്ത് മത്സരം , കവിതാലാപനമത്സരം  തുടങ്ങിയവ  സംഘടിപ്പിച്ചു . 6  വയസ്സ്  മുതൽ 10  വയസ്സുവരെ , 11  വയസ്സ്  മുതൽ  15  വയസ്സുവരെ  എന്നീ വിഭാഗങ്ങളിലായിട്ടാണ്  മത്സരം സംഘടിപ്പിച്ചത്. നൂറോളം കുട്ടികൾ മത്സരങ്ങളിൽ പങ്കെടുത്തു. ലൈബ്രറി സന്ദർശനം, പുസ്‌തകച്ചങ്ങാത്തം, വായനയുടെ പ്രാധാന്യം എന്ന വിഷയത്തിൽ ഹ്രസ്വ പ്രഭാഷണം  തുടങ്ങിയവയും  ഉണ്ടായിരുന്നു. എൻ. എം. സി. ഹെൽത്ത്കെയർ സി. ഇ. ഒ പ്രശാന്ത് മങ്ങാട്   പരിപാടി ഉത്ഘാടനം ചെയ്തു.  കേരള സോഷ്യൽ സെന്റർ പ്രസിഡണ്ട് എ. കെ ബീരാൻ കുട്ടി  അധ്യക്ഷത വഹിച്ചു.
യു എ ഇ എക്സ്ചേഞ്ച് ഇവന്റ് ചീഫ് വിനോദ് നമ്പ്യാർ ,  മലയാളം മിഷൻ യു.എ ഇ  തല കോഡിനേറ്റർ  കെ. എൽ . ഗോപി ,  മലയാളം മിഷൻ അബുദാബി കോഡിനേറ്റർ സഫറുള്ള പാലപ്പെട്ടി ,   സെന്റർ വനിതാ വിഭാഗം കൺവീനർ   ഷൈനി  ബാലചന്ദ്രൻ തുടങ്ങിയവർ  സംസാരിച്ചു. ലൈബ്രെറിയൻ  കെ. കെ ശ്രീവത്സൻ സ്വാഗതവും സാഹിത്യ വിഭാഗം സെക്രെട്ടറി അബ്ദുൽ ഗഫൂർ നന്ദിയും പറഞ്ഞു. സെന്റർ വൈസ് കാപ്റ്റൻ  നൗഷാദ്, ബിന്ദു ഷോബി, ജിനി സുജിൽ , തുടങ്ങിയവർ പരിപാടികൾക്ക് നേതൃത്വം നൽകി. വിജയികൾക്ക്  ട്രോഫികളും സർട്ടിഫിക്കറ്റുകളും സമ്മാനിച്ചു.

1 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close