UAE

യാത്രക്കാരുടെ എമിഗ്രേഷൻ നടപടികൾ കൂടുതൽ ലളിതവും സുഗമമാക്കി ദുബൈ രാജ്യാന്തര എയർപോർട്ടിലെ അത്യാധുനിക സ്മാർട്ട് ഗേറ്റ് സംവിധാനം

ലോകത്തിലെ ഏറ്റവും തിരക്കറിയ എയർപോർട്ടുകളിൽ ഒന്നായ ദുബൈ ഇന്റർ നാഷണൽ എയർപോർട്ടിൽ 122 സ്മാർട്ട് ഗേറ്റുകളാണ് ഉള്ളത്.എയർപോർട്ടിലെ പാസ്പോർട്ട് കൗണ്ടറുകളുടെ മുന്നിലുണ്ടാകുന്ന നീണ്ട ക്യുവിൽ കാത്തു നിൽക്കാതെ സഞ്ചാരികൾക്ക് നിമിഷ നേരം കൊണ്ട് സ്വയം തന്നെ യാത്ര- നടപടികൾ പൂർത്തിയാക്കാൻ സഹായിക്കുന്ന സംവിധാനമാണ്‌ സ്മാർട്ട് ഗേറ്റ്.കഴിഞ്ഞ വർഷം ദുബൈ എയർപോർട്ടിലെ സ്മാർട്ട് ഗേറ്റ് ഉപയോഗിച്ച് യാത്ര നടത്തിയത് 10.7മില്യൺ പേരായിരുന്നു. അതിനൊപ്പം തന്നെ 2019-ലെ ആദ്യത്തെ മൂന്ന് മാസത്തിനുള്ളിൽ 1,940,660 പേരാണ് ഇത് ഉപയോഗിച്ചതെന്ന് അധിക്യതർ വെളിപ്പെടുത്തി .

ഏറ്റവും തിരക്കുള്ള സീസണായ ഈദ് നാളിൽ സ്മാർട്ട് ഗേറ്റ് ഉപയോക്താകളുടെ എണ്ണത്തിൽ വൻവർധനവാണ് ഉണ്ടായിരുന്നത്.കഴിഞ്ഞഈദുൽ ഫിത്തർ അവധി ദിനങ്ങളിൽ 352,306 യാത്രക്കാരാണ് ഇതിലൂടെ സേവനം തേടിയത് .മെയ് 30 മുതൽ ജൂണ് 8 വരെയുള്ള ദിവസങ്ങളിലെ കണക്കാണ് ഇത്.ഏറ്റവും ചുരുങ്ങിയ സമയത്തിനുള്ളിൽ ലളിതമായ നടപടി ക്രമങ്ങളാണ് സ്മാർട്ട് ഗേറ്റിലൂടെയുള്ള യാത്രക്ക് അവിശ്യമുള്ളത്.എമിറേറ്റ്‌സ് ഐഡി,പാസ്പോർട്ട്,ജിഡിആർഎഫ്എ ദുബായ് എന്ന സ്മാർട്ട് ആപ്ലിക്കേഷൻസ്,യുഎഇ വാലറ്റ് ,എമിറേറ്റ്‌സ് സ്കൈവാർഡ്സ് എന്നിവ എല്ലാം ഉപയോഗപ്പെടുത്തി ദുബൈ എയർപോർട്ടിലെ സ്മാർട്ട് ഗേറ്റിലൂടെ യാത്ര ചെയ്യാവുന്നതാണ്.

2 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close