ന്യൂഡല്ഹി: കോണ്ഗ്രസ് നേതാവ് ജോതിരാദിത്യ സിന്ധ്യ എഐസിസി ജനറല് സെക്രട്ടറി സ്ഥാനം രാജിവെച്ചു. കോണ്ഗ്രസ് അധ്യക്ഷ സ്ഥാനത്ത് നിന്ന് രാഹുല് ഗാന്ധി രാജി വെച്ചതിന് പിന്നാലെ മുതിര്ന്ന നേതാക്കളെല്ലാം തന്നെ രാജിയ്ക്ക് ഒരുങ്ങുകയാണ്.
പടിഞ്ഞാറന് ഉത്തര്പ്രദേശിന്റെ ചുമതലയുണ്ടായിരുന്ന ജനറല് സെക്രട്ടറിയായിരുന്നു സിന്ധ്യ. തോല്വിയുടെ ഉത്തരവാദിത്വം ഏറ്റെടുത്താണ് സിന്ധ്യ രാജിവെച്ചത്. ഉത്തര്പ്രദേശില് കോണ്ഗ്രസിന് ഒരു സീറ്റ് മാത്രമാണ് നേടാന് സാധിച്ചത്.
നേരത്തെ തോല്വിയുടെ ഉത്തരവാദിത്വം ഏറ്റെടുത്ത് ദീപക് ബാബ്റിയ, വിവേക് തന്ഖ തുടങ്ങിയ മറ്റു പല മുതിര്ന്ന നേതാക്കളും രാജിവെച്ചിട്ടുണ്ട്. മധ്യപ്രദേശ് മുഖ്യമന്ത്രി കമല്നാഥ് നേരത്തെ പിസിസി അധ്യക്ഷ സ്ഥാനം ഒഴിഞ്ഞിരുന്നു.
രാഹുല് ഗാന്ധിക്ക് പകരക്കാരനായി കോണ്ഗ്രസ് അധ്യക്ഷ സ്ഥാനത്തോക്ക് പരിഗണിക്കുന്ന പേരുകളില് ജോതിരാദിത്യ സിന്ധ്യയുടെ പേരും ഉണ്ടായിരുന്നു.