India

ഇടക്കാല അദ്ധ്യക്ഷ സ്ഥാനം തനിക്ക് വേണ്ട; നേതാക്കളുടെ ആവശ്യം തള്ളി സോണിയ ഗാന്ധി

ന്യൂഡല്‍ഹി: രാഹുല്‍ ഗാന്ധി അദ്ധ്യക്ഷ സ്ഥാനം രാജിവെച്ചതിനു പിന്നാലെ കോണ്‍ഗ്രസിലുണ്ടായ പ്രതിസന്ധി രൂക്ഷമായി തുടരുന്നു. ഇടക്കാല അദ്ധ്യക്ഷനായി ചുമതലയേല്‍ക്കണമെന്ന നേതാക്കളുടെ ആവശ്യം സോണിയ ഗാന്ധി തള്ളി. ഇടക്കാലത്തേക്ക് ആണെങ്കില്‍പ്പോലും അദ്ധ്യക്ഷ സ്ഥാനത്തേക്ക് താനില്ലെന്ന് സോണിയ വ്യക്തമാക്കി.

കര്‍ണ്ണാടകയില്‍ രാഷ്ട്രീയ പ്രതിസന്ധി രൂക്ഷമായതിനു പിന്നാലെ ഗോവയിലെ 10 വിമത കോണ്‍ഗ്രസ് എംഎല്‍എമാര്‍ ബിജെപിയില്‍ ചേര്‍ന്നിരുന്നു. ഈ സാഹചര്യത്തിലാണ് നേതൃത്വം ഏറ്റെടുക്കണമെന്ന് ആവശ്യപ്പെട്ട് നേതാക്കള്‍ സോണിയ ഗാന്ധിയെ സമീപിച്ചതെന്നാണ് ലഭിക്കുന്ന വിവരം. ഇരു സംസ്ഥാനങ്ങളിലും പാര്‍ട്ടി പ്രതിസന്ധിയിലായതിനാല്‍ നേതൃത്വത്തെ സംബന്ധിച്ച ചര്‍ച്ചകളും പാര്‍ട്ടിയില്‍ നടക്കുന്നിലെന്നാണ് ഇതോടെ വ്യക്തമാകുന്നത്.

സോണിയ തയ്യാറല്ലെങ്കില്‍ രാഹുല്‍ ഗാന്ധിക്കുമേല്‍ സമ്മര്‍ദ്ദം ചെലുത്തണമെന്ന നേതാക്കളുടെ ആവശ്യവും സോണിയ അംഗീകരിച്ചില്ല. നേതൃത്വമില്ലാത്ത സാഹചര്യത്തില്‍ കൂടുതല്‍ നേതാക്കള്‍ കൊഴിഞ്ഞു പോകുമോയെന്ന ആശങ്കയിലാണ് പാര്‍ട്ടി. നിലവില്‍ കര്‍ണ്ണാടകയിലും ഗോവയിലും കോണ്‍ഗ്രസിനു ഭൂരിപക്ഷം നഷ്ടമായിക്കഴിഞ്ഞു. മധ്യപ്രദേശില്‍ നിന്നും കോണ്‍ഗ്രസ് നേതാക്കള്‍ പാര്‍ട്ടി വിടാനൊരുങ്ങുന്നു എന്ന അനൗദ്യോഗികമായ റിപ്പോര്‍ട്ടുകളും പുറത്തു വരുന്നുണ്ട്.

656 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close