Kerala

ക്യാമ്പസിനുള്ളിൽ പ്രവേശിക്കുന്നത് ജീവൻ ഭയന്ന്; എസ്എഫ്ഐയിൽ നിന്ന് സ്വാതന്ത്ര്യം വേണമെന്നാവശ്യവുമായി തെരുവിലിറങ്ങി വിദ്യാർത്ഥികൾ

തിരുവനന്തപുരം: യൂണിവേഴ്സിറ്റി കോളേജിലെ എസ്എഫ്ഐയുടെ ആക്രമത്തിനെതിരേ സ്വാതന്ത്ര്യം വേണമെന്നാവശ്യവുമായി വിദ്യാർത്ഥികൾ തെരുവിലിറങ്ങി. ജീവൻ ഭയന്നാണ് ക്യാമ്പസിനുള്ളിൽ പ്രവേശിക്കുന്നതെന്ന് വിദ്യാർത്ഥികൾ. അഖിലിനെ കുത്തി പരിക്കേൽപ്പിച്ച സംഭവത്തിൽ എസ്എഫ്ഐ യൂണിയനെതിരേ പ്രതിഷേധം ശക്തമാകുന്നു.

കോളേജിലെ അക്രമത്തിൽ പ്രതിഷേധിച്ച് വിദ്യാർത്ഥികൾ തെരുവിലിറങ്ങി. സെക്രട്ടറിയേറ്റിന് മുന്നിലും കോളേജ് കവാടത്തിന് മുന്നിലും വിദ്യാർത്ഥികൾ പ്രതിഷേധിച്ചു. തുടർന്ന് എസ്എഫ്ഐയുടെ ജില്ലാ നേതാക്കളെത്തി വിദ്യാർത്ഥികളെ അനുനയിപ്പിച്ച് കോളേജിനുള്ളിൽ കയറ്റിയതിന് ശേഷം വീണ്ടും പ്രതിഷേധിച്ച വിദ്യാർത്ഥികളെ ക്രൂരമർദ്ദനത്തിനിരയാക്കി.

ഈ ദൃശ്യങ്ങൾ ക്യാമറയിൽ പകർത്തുന്നുവെന്ന് മനസ്സിലാക്കിയ എസ്എഫ്ഐ പ്രവർത്തകർ മാദ്ധ്യമ പ്രവർത്തകരോട് കോളേജിൽ നിന്ന് പുറത്തിറങ്ങണമെന്ന് പലതവണ ആവശ്യമുയർത്തി.

തുടർന്ന് എത്തിയ യൂണിവേഴ്സിറ്റി കോളേജ് പ്രിൻസിപ്പലും ഇതേ ആവശ്യം ഉന്നയിച്ചു. അതേസമയം വിദ്യാർത്ഥിക്ക് കുത്തേറ്റ സംഭവത്തെ സംബന്ധിച്ച് തനിക്ക് അറിയില്ലെന്നായിരുന്നു പ്രിൻസിപ്പലിന്റെ പ്രതികരണം.

എസ്എഫ്ഐയുടെ ഏകാധിപത്യ നിലപാടിനെതിരേ കോളേജിലേക്ക് എബിവിപിയും കെഎസ് യുവും മാർച്ച് നടത്തി.

5K Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close