Kerala

വിവാഹ ചടങ്ങ് നടക്കുന്നതിനിടെ വന്‍ തീപിടിത്തം

ഇടുക്കി: ഇടുക്കി വണ്ടിപ്പെരിയാര്‍ ടൗണ്‍ഹാളില്‍ വിവാഹ ചടങ്ങ് നടക്കുന്നതിനിടെ വന്‍ തീപിടിത്തം. ടൗണ്‍ഹാളിന്റെ ഒന്നാം നിലയില്‍ വിവാഹ ചടങ്ങ് നടക്കുന്നതിനിടെയാണ് രണ്ടാം നിലയില്‍ തീപിടുത്തമുണ്ടായത്. ഉച്ചയ്ക്ക് ഒന്നരയോടെയാണ് സംഭവം. ഇവിടെ മറ്റ് കടകളില്‍ നിന്നും ശേഖരിച്ച പ്ലാസ്റ്റിക് കവറുകള്‍ സൂക്ഷിച്ചിരുന്നു. തീപിടിത്തം ശ്രദ്ധയില്‍പ്പെട്ട ഉടന്‍ തന്നെ വിവാഹ ചടങ്ങിനെത്തിയ ആളുകളെ മുഴുവന്‍ വേഗം സംഭവ സ്ഥലത്ത് നിന്ന് മാറ്റിയതിനാല്‍ വന്‍ ദുരന്തം ഒഴിവായി.

1500 ഓളം ആളുകള്‍ വിവാഹ പരിപാടിയില്‍ പങ്കെടുക്കാന്‍ എത്തിയെന്നാണ് വിവരം. പീരുമേട് നിന്നുള്ള ഫയര്‍ഫോഴ്‌സ് യൂണിറ്റെത്തി തീയണക്കാന്‍ ശ്രമിച്ചെങ്കിലും പരാജയപ്പെട്ടതോടെ കട്ടപ്പനയില്‍ നിന്ന് രണ്ട് യൂണിറ്റ് കൂടി എത്തി മൂന്നുമണിക്കൂറോളം നീണ്ട ശ്രമത്തിനൊടുവിലാണ് തീ പൂര്‍ണ്ണമായും നിയന്ത്രണ വിധേയമാക്കിയത്. തീപിടുത്തത്തിന് കാരണം ഷോര്‍ട്ട് സര്‍ക്യൂട്ടാണെന്നാണ് പ്രാഥമിക നിഗമനം.

158 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close