Kerala

സഹായധനം കിട്ടുമെന്ന് പ്രതീക്ഷിച്ചു മതം മാറി ; 93 ശതമാനം പേർക്കും ഒന്നും കിട്ടിയില്ല ; കേരളത്തിൽ ക്രിസ്തീയ സഭകളിലേക്ക് മതം മാറിയവർ കടുത്ത വിവേചനം നേരിടുന്നെന്ന് റിപ്പോർട്ട്

തിരുവനന്തപുരം : പ്രലോഭനങ്ങളിൽ വീണ് ക്രിസ്തീയ സഭകളിലേക്ക് മതപരിവർത്തനം നടത്തിയവർ വലിയ വിവേചനം നേരിടുന്നെന്ന വാദം ശരിവയ്ക്കുന്ന റിപ്പോർട്ട് പുറത്ത് . സംസ്ഥാന ന്യൂനപക്ഷ കമ്മീഷന്റേതാണ് കണ്ടെത്തൽ. റിപ്പോർട്ട് ന്യൂനപക്ഷ ക്ഷേമ വകുപ്പ് മന്ത്രി കെ.ടി ജലീലിന് സമർപ്പിച്ചു.

ക്രിസ്തീയസഭകളിലേക്ക് മതപരിവർത്തനം നടത്തിയ 73.89 ശതമാനം പേരും പള്ളികളിൽ ജാതി വിവേചനം നേരിടുന്നുണ്ട്. വെറും 11.11 ശതമാനത്തിനു മാത്രമേ അർഹിക്കുന്ന അംഗീകാരം ലഭിക്കുന്നുള്ളൂവെന്നും റിപ്പോർട്ട് പറയുന്നു.വിവാഹാലോചനകൾ നടക്കുമ്പോൾ വിവേചനം പ്രകടമാകുന്നെന്നും റിപ്പോർട്ട് പറയുന്നു.

സഹായധനം ലഭിക്കുമെന്ന് കരുതിയാണ് നല്ലൊരു ശതമാനം പേരും മതം മാറിയത്. പക്ഷേ ഇതിൽ 93 ശതമാനത്തിനും യാതൊരു സഹായധനവും ലഭിച്ചില്ലെന്നും റിപ്പോർട്ടിൽ ചൂണ്ടിക്കാട്ടുന്നു. മതം മാറിയതിനാൽ പട്ടികജാതി പട്ടിക വർഗ്ഗക്കാർക്ക് ലഭിക്കുന്ന ആനുകൂല്യങ്ങളും കിട്ടുന്നില്ലെന്നും റിപ്പോർട്ട് ചൂണ്ടിക്കാട്ടുന്നു.

2K Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close