തിരുവനന്തപുരം: തിരുവനന്തപുരം യൂണിവേഴ്സിറ്റി കോളേജിലെ യൂണിയന് ഓഫീസില് നിന്ന് കണ്ടെത്തിയ സീല് വ്യാജമെന്ന് അധ്യാപകന്. തന്റെ സീല് നഷ്ടപ്പെട്ടിട്ടില്ലെന്നും യൂണിയന് മുറിയില് കണ്ടത് വ്യാജ സീലാണെന്നും ബോട്ടണി അധ്യാപകന് പറഞ്ഞു.
കോളേജ് ജീവനക്കാര് മുറി ഒഴിപ്പിക്കുന്നതിനിടെയാണ് കേരള സര്വ്വകലാശാലയിലെ യൂണിയന് മുറിയില് നിന്ന് ബോട്ടണി അധ്യാപകന്റെ പേരിലുള്ള വ്യാജ സീലും ഉത്തരക്കടലാസുകളും കണ്ടെത്തിയത്. എസ്എഫ്ഐ യൂണിറ്റ് ഓഫീസില് നിന്നാണ് സര്വ്വകലാശാല പരീക്ഷയ്ക്ക് ഉള്ള ഉത്തരക്കടലാസുകള് കണ്ടെടുത്തത്. റോള് നമ്പര് എഴുതിയതും അല്ലാത്തതുമായ ഉത്തരക്കടലാസ് കെട്ടുകളാണ് യൂണിയന് ഓഫീസില് ഉണ്ടായിരുന്നത്.
വര്ഷങ്ങളായി കോളേജ് യൂണിയന് ഉപയോഗിച്ചിരുന്ന മുറിയാണ് ക്ലാസ് മുറിയാക്കാന് കോളേജ് അക്കാദമിക് കൗണ്സില് തീരുമാനിച്ചത്. യൂണിവേഴ്സിറ്റി കോളേജില് ഉണ്ടായ അക്രമത്തിന്റെയും കത്തിക്കുത്തിന്റെയും പശ്ചാത്തലത്തിലാണ് യൂണിയന് മുറി ക്ലാസ് മുറിയാക്കാന് കോളേജ് അധികൃതര് തീരുമാനിച്ചത്.