India

ഷീല ദീക്ഷിത്തിന്റെ ശവസംസ്കാരം കഴിഞ്ഞയുടൻ കേക്ക് മുറിച്ച് മുതിർന്ന നേതാവിന്റെ പിറന്നാളാഘോഷിച്ച് കോൺഗ്രസ് ദേശീയ നേതാക്കൾ

ബംഗളൂരു: മുതിർന്ന കോൺഗ്രസ് നേതാവും ഡൽഹി മുൻ മുഖ്യമന്ത്രിയും പിസിസി അദ്ധ്യക്ഷയുമായ ഷീല ദീക്ഷിത്തിന്റെ ശവസംസ്കാര ചടങ്ങുകൾ കഴിഞ്ഞയുടൻ തന്നെ കേക്ക് മുറിച്ച് പിറന്നാളാഘോഷിച്ച് മുതിർന്ന കോൺഗ്രസ് നേതാവ് മല്ലിഗാർജുൻ ഘാർഗെ. കർണാടകത്തിൽ എംഎൽഎമാരുടെ യോഗത്തിന് ശേഷമാണ് കേക്ക് മുറിച്ച് പിറന്നാളാഘോഷം നടന്നത്.

ഇന്നലെ അന്തരിച്ച ഷീല ദീക്ഷിത്തിന്റെ ശവസംസ്കാര ചടങ്ങുകൾ ഇന്നായിരുന്നു നടന്നത്. ചടങ്ങുകൾ കഴിഞ്ഞ് മണിക്കൂറുകൾ തികയുന്നതിന് മുൻപെയായിരുന്നു ആഘോഷം. ബംഗളൂരുവിലെ താജ് വിവാന്ത ഹോട്ടലിൽ നടന്ന ആഘോഷത്തിൽ സംഘടനാ ചുമതലയുള്ള എഐസിസി ജനറൽ സെക്രട്ടറി കെസി വേണുഗോപാൽ, കർണാടക മുൻ മുഖ്യമന്ത്രി സിദ്ധരാമയ്യ, എഐസിസി സെക്രട്ടറി പിസി വിഷ്ണുനാഥ്, കർണാടകത്തിൽ നിന്നുള്ള മുതിർന്ന നേതാക്കൾ എംഎൽഎമാർ തുടങ്ങിയവർ പങ്കെടുത്തു.

വാർത്താ ഏജൻസിയായ എഎൻഐയാണ് ഇക്കാര്യം ചിത്രങ്ങൾ സഹിതം റിപ്പോർട്ട് ചെയ്തിരിക്കുന്നത്. ചിത്രങ്ങൾ പുറത്ത് വന്നതോടെ കോൺഗ്രസിനും നേതാക്കൾക്കുമെതിരെ വ്യാപക പ്രതിഷേധമാണ് സാമൂഹ്യമാദ്ധ്യമങ്ങളിലടക്കം ഉയരുന്നത്. ഇതാണ് കോൺഗ്രസും ബിജെപിയും തമ്മിലുള്ള പ്രധാന വ്യത്യാസമെന്ന് ചിലർ പറയുമ്പോൾ കോൺഗ്രസ് തെരഞ്ഞെടുപ്പിൽ തോൽക്കുന്നതിനുള്ള കാരണം ഇത്തരത്തിലുള്ള മനുഷ്യത്വരഹിതമായ പ്രവർത്തനങ്ങളാണെന്ന് മറ്റു ചിലർ പറയുന്നു.

എന്തായാലും എഐസിസി അദ്ധ്യക്ഷ സ്ഥാനത്തേക്ക് വരെ ഒരു ഘട്ടത്തിൽ പരിഗണിക്കപ്പെട്ട മുതിർന്ന നേതാവിന്റെ ഈ ആഘോഷം കോൺഗ്രസിൽ മറ്റൊരു പൊട്ടിത്തെറിക്കാണ് വഴിമരുന്നിട്ടിരിക്കുന്നത്.

3K Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close