തിരുവനന്തപുരം: യുവമോര്ച്ച പ്രവര്ത്തകര് നടത്തിയ മാര്ച്ചില് സംഘര്ഷം. തിരുവനന്തപുരം യൂണിവേഴ്സിറ്റി കോളേജ് വിഷയത്തിലും പിഎസ് സി പരീക്ഷയില് എസ്എഫ് ഐ നേതാക്കള് ക്രമക്കേട് നടത്തിയതിലും സിബിഐ അന്വേഷണം ആവശ്യപ്പെട്ട് യുവമോര്ച്ച നടത്തിയ സെക്രട്ടറിയേറ്റ് മാര്ച്ചിലാണ് സംഘര്ഷം ഉണ്ടായത്. പ്രവര്ത്തകര്ക്ക് നേരെ പോലീസ് ലാത്തിവീശി.
സെക്രട്ടറിയേറ്റിലെ ഗേറ്റിനു മുന്നില് പോലീസ് മാര്ച്ച് തടഞ്ഞതോടെയാണ് സംഘര്ഷം തുടങ്ങിയത്. പോലീസ് ജലപീരങ്കി പ്രയോഗിച്ചു. പിന്നാലെ കണ്ണീര്വാതകം പ്രയോഗിച്ചിട്ടും പ്രവര്ത്തകര് പിരിഞ്ഞു പോകാതിരുന്നതോടെ പോലീസ് ലാത്തിവീശുകയായിരുന്നു. സംഘര്ഷത്തില് നിരവധി പ്രവര്ത്തകര്ക്ക് പരിക്കേറ്റു.
ബിജെപി സംസ്ഥാന അധ്യക്ഷന് പി.എസ് ശ്രീധരന്പിള്ളയാണ് മാര്ച്ച് ഉദ്ഘാടനം ചെയ്തത്.