തിരുവനന്തപുരം: കേരള തീരത്ത് ഉയര്ന്ന തിരമാലകള്ക്ക് സാധ്യതയുണ്ടെന്ന് ദേശീയ സമുദ്ര സ്ഥിതിപഠന കേന്ദ്രം. മത്സ്യത്തൊഴിലാളികള് ജാഗ്രത പാലിക്കണമെന്നും മുന്നറിയിപ്പ് നല്കി. 11 -08-2019 മുതല് 12-08-2019 വരെ പടിഞ്ഞാറ് ദിശയില് നിന്ന് മണിക്കൂറില് 45 മുതല് 55 കിലോമീറ്റര് വരെ വേഗതയില് കേരള തീരത്ത് ശക്തമായ കാറ്റ് വീശാന് സാധ്യതയുണ്ട് .
ഈ ദിവസങ്ങളില് മത്സ്യത്തൊഴിലാളികള് കടലില് പോകരുതെന്ന് നിര്ദേശിക്കുന്നു. 11 /08/2019 രാത്രി 11:30 വരെ പൊഴിയൂര് മുതല് കാസര്ഗോഡ് വരെയുള്ള കേരള തീരത്ത് 3.5 മുതല് 3.8 മീറ്റര് വരെ ഉയരത്തില് തിരമാലകള് ഉണ്ടാകാന് സാധ്യതയുണ്ടെന്ന് ദേശീയ സമുദ്ര സ്ഥിതിപഠന കേന്ദ്രം അറിയിച്ചു.
അതേസമയം, ഓഗസ്റ്റ് 11,12,13,14 തീയതികളില് കേരളത്തില് വിവിധ ജില്ലകളില് റെഡ്, ഓറഞ്ച് അലേര്ട്ടുകളും പ്രഖ്യാപിച്ചിട്ടുണ്ട്.