ഒരു ഓട്ടോയിൽ എത്ര പേർക്ക് സഞ്ചരിക്കാം ,കൂടിപ്പോയാൽ അഞ്ചു പേർക്ക് . അതിൽ കൂടുതലായാൽ പൊലീസുകാരുടെ കണ്ണുരുട്ടലും ,ഡ്രൈവറുടെ അതൃപ്തിയും കാണേണ്ടി വരും . എന്നാൽ തെലങ്കാനയിൽ ഒരു ഓട്ടോയിൽ സഞ്ചരിച്ചത് ഒന്നും രണ്ടുമല്ല 24 പേരാണ് . ഷെയറിട്ട് ഇത്തരത്തിൽ ഓട്ടോയിൽ സഞ്ചരിക്കുന്നവർ ഇവിടെ ഏറെയാണ് . ഇതിന്റെ വീഡിയോ ഇപ്പോൾ ഇന്റർനെറ്റിൽ വൈറലാണ് .
ടുഡെ ടെലിവിഷനിലെ ആശിഷ് പാണ്ഡെയാണ് ട്വിറ്ററിലൂടെ ഈ വീഡിയോ പങ്ക് വച്ചത് . ‘ ഒരു ഓട്ടോയിൽ എത്ര പേരെ കയറ്റാനാകുമെന്ന് നിങ്ങൾക്ക് ഊഹിക്കാമോ , സ്ത്രീകളും,കുട്ടികളും ഉൾപ്പെടെ 24 യാത്രക്കാരുമായി പോയ ഓട്ടോറിക്ഷയാണ് അലെർട്ടിസൺ ഭോംഗിറിൽ പിടികൂടിയത് . അനുവദനീയമായതിലധികം ആളുകളെ കയറ്റിയാൽ പിഴ നൽകേണ്ടി വരും ‘ എന്ന അടിക്കുറിപ്പും ഒപ്പമുണ്ടായിരുന്നു .
പലരും പല രീതിയിലാണ് ചിത്രത്തിനു കമന്റ് ചെയ്തത് . ചിലർ ഇത് ഓട്ടോയോ,ബസോ എന്ന് സംശയം പറഞ്ഞപ്പോൾ മറ്റ് ചിലർ മോട്ടോർ നിയമങ്ങളെ കുറിച്ച് ഓർമ്മിപ്പിച്ചു . എന്തായാലും വീഡിയോ വൈറലായതോടെ ഡ്രൈവറും ‘ പ്രശസ്തനായി ‘ മോട്ടോർ വാഹന വകുപ്പ് അപ്പോൾ തന്നെ വിളിച്ച് പിഴ അടപ്പിക്കുകയും ചെയ്തു .
How many passengers an auto can fill any guess? Alertizen found 24 passengers, all women and children travelling in an Auto in Bhongir. (Motor Vehicles Bill 2019 ask for a fine of Rs 1000/Extra passenger in case of overloading) #Telangana. @TelanganaDGP @tkp1080 #RoadSafety pic.twitter.com/MR2fLid0Nv
— Aashish (@Ashi_IndiaToday) August 11, 2019