തിരുവനന്തപുരം : സംസ്ഥാനത്ത് മഴക്കെടുതിയില് ദുരിതമനുഭവിക്കുന്നവര്ക്ക് 10,000 രൂപ ആദ്യ സഹായമായി നല്കും. പഞ്ചായത്ത് സെക്രട്ടറിയും റവന്യൂ ഉദ്യോഗസ്ഥനും ചേര്ന്ന് പട്ടിക തയ്യാറാക്കും.
സഹായം ലഭിക്കേണ്ടവരുടെ പട്ടിക പ്രസിദ്ധീകരിച്ച ശേഷമാണ് തുക വിതരണം ചെയ്യുക. മഴക്കെടുതിയില് മരണപ്പെട്ടവരുടെ കുടുംബത്തിന് 4 ലക്ഷം രൂപ സഹായധനവും പ്രഖ്യാപിച്ചിട്ടുണ്ട് അതോടൊപ്പം വീടും സ്ഥലവും നഷ്ടപ്പെട്ടവര്ക്ക് 10 ലക്ഷം രൂപയും ധനസഹായം നല്കാനും മന്ത്രി സഭായോഗം തീരുമാനിച്ചു.
കഴിഞ്ഞ പ്രളയകാലത്തെ അതേ ദുരിതാശ്വാസ പാക്കേജാണ് സര്ക്കാര് ഇത്തവണയും മുന്നോട്ടുവയ്ക്കുന്നത്.
എന്നാല് ഇതിലുള്ള പ്രധാന വ്യത്യാസം വില്ലേജ് ഓഫീസറും പഞ്ചായത്ത് സെക്രട്ടറിയും ചേര്ന്ന് പട്ടിക തയ്യാറാക്കുന്നത് എന്നതാണ്. ഇത്തരത്തില് തയ്യാറാക്കുന്ന പട്ടിക ആദ്യം സര്ക്കാര് പ്രസിദ്ധീകരിക്കും .
ദുരിതാശ്വാസ സഹായം എല്ലാവരിലുമെത്തിക്കണമെന്നാണ് മന്ത്രിസഭാ യോഗതീരുമാനം. അതിനാല് എത്രയും പെട്ടെന്ന് പട്ടിക തയ്യാറാക്കാനാണ് നിര്ദ്ദേശം നല്കിയിട്ടുള്ളത്.
പരാതികളും ആക്ഷേപങ്ങളും ഒഴിവാക്കാന് പ്രത്യേകം ശ്രദ്ധിക്കണമെന്നും സര്ക്കാര് ഉദ്യോഗസ്ഥര്ക്ക് നിര്ദ്ദേശം നല്കിയിച്ചുണ്ട്.