തിരുവനന്തപുരം: സംസ്ഥാനത്ത് മഴയുടെ ശക്തി കുറഞ്ഞു. കണ്ണൂര്, കാസര്കോട്, ഒഴികെയുള്ള ജില്ലകളില് മഴക്കുറവ് അനുഭവപ്പെടുന്നുണ്ട്. കോട്ടയം, ഇടുക്കി, എറണാകുളം ജില്ലകളില് മഴയ്ക്ക് കുറവ് രേഖപ്പെടുത്തിയിട്ടുണ്ട്. ദുരിതാശ്വാസ ക്യാമ്പുകളില് നിന്ന് ആളുകള് മടങ്ങി തുടങ്ങി.
ബംഗാള് ഉള്ക്കടലില് രൂപം കൊണ്ട ന്യൂനമര്ദ്ദമാണ് കേരളത്തില് അതിതീവ്ര മഴയ്ക്ക് വഴി വച്ചത്. ന്യൂനമര്ദ്ദം ദുര്ബലമായി പടിഞ്ഞാറന് മേഖലയിലേക്ക് നീങ്ങുകയാണ്. ഇന്ന് കണ്ണൂരും കാസര്കോടും ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. സംസ്ഥാനത്തെ മറ്റ് 12 ജില്ലകളിലും ജാഗ്രതാ നിര്ദ്ദേശമില്ല. നാളെ ഇടുക്കി, കണ്ണൂര്, കാസര്കോട് ജില്ലകളില് യെല്ലോ അലര്ട്ടായിരിക്കും.
ഇന്ന് ഒരു ജില്ലയിലും റെഡ് അലേര്ട്ട് പ്രഖ്യാപിച്ചിട്ടില്ല. എന്നാല് മലപ്പുറം, കോഴിക്കോട്, കണ്ണൂര്, ജില്ലകളില് ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്. തീരപ്രദേശങ്ങളില് മണിക്കൂറില് നാല്പ്പത് മുതല് അന്പത് വരെ വേഗത്തില് കാറ്റ് വീശാന് ഇടയുള്ളതിനാല് മത്സ്യതൊഴിലാളികള് കടലില് പോകരുതെന്ന് മുന്നറിയിപ്പ് നല്കിയിട്ടുണ്ട്.