കൊച്ചി : ദുരിതാശ്വാസ ക്യാമ്പുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള് മാത്രം നാളെ അവധി പ്രഖ്യാപിച്ചു. മറ്റ് വിദ്യാഭ്യാസ സ്ഥാപനങ്ങള് സാധാരണ പോലെ പ്രവര്ത്തിക്കും. എറണാകുളം, തൃശൂര് ജില്ലകളിലെ ദുരിതാശ്വാസ ക്യാമ്പുകള് പ്രവര്ത്തിക്കുന്ന സ്കൂളുകള്ക്ക് മാത്രം നാളെ ജില്ലാ കളക്ടര് അവധി പ്രഖ്യാപിച്ചു.
കോട്ടയം ജില്ലയിലെ കോട്ടയം, വൈക്കം, ചങ്ങനാശേരി താലൂക്കുകളിലെ എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടര് നാളെ അവധി പ്രഖ്യാപിച്ചു. പ്രെഫഷണല് കോളേജുകള്ക്കും അങ്കണവാടികള്ക്കും അവധി ബാധകമായിരിക്കും. മീനച്ചില്, കാഞ്ഞിരപ്പള്ളി താലൂക്കുകളില് ദുരിതാശ്വാസ ക്യാമ്പുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചു.
പത്തനംതിട്ട ജില്ലയിലെ തിരുവല്ല താലൂക്കിലെ പ്രൊഫഷണല് കോളജുകള്, അങ്കണവാടികള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും, ജില്ലയിലെ മറ്റ് താലൂക്കുകളിലെ ദുരിതാശ്വാസ ക്യാമ്പുകളായി പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കും നാളെ ജില്ലാ കളക്ടര് അവധി പ്രഖ്യാപിച്ചു.
മലപ്പുറം ജില്ലയില് പ്രളയദുരിതം കാരണം വെള്ളം കെട്ടിനില്ക്കുന്ന സാഹചര്യമുള്ളതിനാലും ദുരിതാശ്വാസ ക്യാമ്പുകളും കളക്ഷന് സെന്ററുകളും പ്രവര്ത്തിച്ചു വരുന്നതിനാലും നിലമ്പൂര്, ഏറനാട് , കൊണ്ടോട്ടി താലൂക്കുകളിലെ പ്രൊഫഷണല് കോളേജ് കേന്ദ്രീയ വിദ്യാലയങ്ങള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചു. അതേസമയം, മറ്റ് താലൂക്കുകളിലെ ക്യാമ്പുകള് ആയും കളക്ഷന് സെന്റര് ആയും പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കും നാളെ ജില്ലാ കലക്ടര് അവധി പ്രഖ്യാപിച്ചിട്ടുണ്ട്.
ആലപ്പുഴ ജില്ലയില് ദുരിതാശ്വാസ ക്യാമ്പുകള് പ്രവര്ത്തിക്കുന്ന സ്കൂളുകള്ക്കും കുട്ടനാട് താലൂക്കിലെ മുഴുവന് വിദ്യാഭ്യാസ സ്ഥാപനങ്ങള്ക്കും നാളെ അവധി. ആലപ്പുഴ ജില്ലയില് ദുരിതാശ്വാസ ക്യാമ്പുകള് പ്രവര്ത്തിക്കുന്ന സ്കൂളുകള്ക്കും കുട്ടനാട് താലൂക്കിലെ മുഴുവന് വിദ്യാഭ്യാസ സ്ഥാപനങ്ങള്ക്കും നാളെ അവധി പ്രഖ്യാപിച്ചിട്ടുണ്ട്.