World

പക്ഷിക്കൂട്ടമിടിച്ചു; പൈലറ്റ് വിമാനം വയലിലിറക്കി

മോസ്‌കോ: പറന്നുയര്‍ന്ന വിമാനത്തില്‍ പക്ഷിക്കൂട്ടമിടിച്ചതിനെ തുടര്‍ന്ന് പൈലറ്റ് വിമാനം അതിസാഹസികമായി ചോളപ്പാടത്ത് ഇടിച്ചിറക്കി. റഷ്യയിലെ മോസ്‌കോ എയര്‍പ്പോര്‍ട്ടിലാണ് സംഭവം നടന്നത്.

എ321 എയര്‍ബസ്സാണ് പൈലറ്റ് ദമിയര്‍ യുസുപോവിന്റെ സമചിത്തതമൂലം തകരാതെ രക്ഷപെട്ടത്. മൂക്കുകുത്തി ഇറക്കിയതുമൂലം 5 പേര്‍ക്ക് നിസ്സാരപരുക്കുപറ്റിയതായി റഷ്യയുടെ വ്യോമയാന വകുപ്പ് അറിയിച്ചു.ആകെ 233പേരാണ് യുറാല്‍ എയര്‍ലൈന്‍സില്‍ ഉണ്ടായിരുന്നത്.പരിക്കേറ്റവരെ ആശുപത്രിയിലാക്കി.

2009ല്‍ അമേരിക്കയിലെ ചെസ്ലേ സുള്ളന്‍ബര്‍ഗര്‍ ന്യൂയോര്‍ക്കിലെ ഹഡ്‌സണ്‍ നദിയില്‍ വിമാനമിറക്കി യാത്രക്കാരെ അത്ഭുതകരമായി രക്ഷപെടുത്തിയ സംഭവത്തിന്‌ശേഷം ദിമിയറിന്റെ സാഹസികത ഏറെ പ്രശംസപിടിച്ചുപറ്റിയിരിക്കുകയാണ്.റഷ്യയിലെ യകാതിറിന്‍ പ്രവിശ്യക്കാരനാണ് ദിമിയര്‍. ഗ്രിഗറി മുര്‍സിനായിരുന്നു കോപൈലറ്റായി ഉണ്ടായിരുന്നത്.

യുറാല്‍ എയര്‍ലൈന്‍സ് ജീവനക്കാര്‍ അസാധാരണമായ സാഹസികതയും ക്ഷമതയുമാണ് പ്രകടിപ്പിച്ചിരിക്കുന്നതെന്നും ജീവനക്കാരെ ആദരിക്കാന്‍ തീരുമാനിച്ചതായും പ്രധാനമന്ത്രി ദിമിത്രി മെഡവേദേവ് അറിയിച്ചു.

244 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close