India

വെള്ളപ്പൊക്കത്തില്‍ ആംബുലന്‍സിന് വഴികാട്ടിയായി; വെങ്കിടേഷിന് ധീരതയ്ക്കുള്ള പുരസ്‌ക്കാരം

കൃഷ്ണാനദി കരകവിഞ്ഞൊഴുകിയപ്പോള്‍ റോഡേത് പുഴയേത് എന്ന് മനസിലാവാതെ നട്ടം തിരിഞ്ഞ ആംബുലന്‍സ് ഡ്രൈവര്‍ക്ക് വഴി കാട്ടിയായാ കുഞ്ഞു ബാലന് ധീരതയ്ക്കുള്ള പുരസ്‌ക്കാരം.

കര്‍ണ്ണാടക സര്‍ക്കാരാണ് ആറാം ക്ലാസുകാരനായ വെങ്കിടേഷിന് ധീരതയ്ക്കുള്ള പുരസ്‌ക്കാരം നല്‍കിയത്. സ്വാതന്ത്ര്യദിനത്തില്‍ റെയ്ച്ചൂരില്‍ നടന്ന ചടങ്ങില്‍ ഡപ്യൂട്ടി കമ്മീഷണര്‍ ശരത് ബി വെങ്കിടേഷിന് പുരസ്‌ക്കാരം സമ്മാനിച്ചത്.

നിര്‍ത്താതെ പെയ്ത കനത്ത മഴയില്‍, കഴിഞ്ഞാഴ്ച കര്‍ണ്ണാടകയിലെ കൃഷ്ണ നദി കരകവിഞ്ഞിരുന്നു. പ്രദേശം മുഴുവന്‍ പ്രളയത്തില്‍ മുങ്ങിയപ്പോള്‍ ദേവദുര്‍ഗയിലെ പാലവും വെള്ളത്തിനടിയിലായിരുന്നു. പാലത്തിലൂടെ കടന്നു പോകാന്‍ കഴിയാതെ വിഷമിച്ച ആംബുലന്‍സ് ഡ്രൈവര്‍ക്ക് സ്വന്തം ജീവന്‍ പണയം വെച്ചാണ് കുഞ്ഞ് ബാലന്‍ വഴികാട്ടിയായത്.

വഴിയറിയാതെ റോഡിനപ്പുറം നിന്നുപോയ വാഹനത്തെ സുഹൃത്തുക്കളോടൊപ്പം കളിക്കുന്നതിനിടയിലാണ് വെങ്കിടേഷിന്റെ കണ്ണില്‍പെട്ടത്. അരയോളം വെള്ളത്തില്‍ ഓടിയും, കൈവീശിയും, പിറകോട്ട് തിരിഞ്ഞു നോക്കിയുമാണ് വെങ്കിടേഷ് ആംബുലന്‍സിനെ ഇപ്പുറത്ത് എത്തിച്ചത്. ആംബുലന്‍സ് നേരായ ദിശയിലാണോയെന്ന് ഇടയ്ക്കിടെ അവന്‍ ഉറപ്പു വരുത്തിയിരുന്നു.

അതിനിടയില്‍ പലപ്പോഴായി വെള്ളത്തില്‍ വീഴുന്നതും, പിന്നേയും എഴുന്നേറ്റ് മുന്നോട്ട് നീങ്ങുന്നതും വീഡിയോവില്‍ കാണാം. വീഡിയോ പ്രചരിച്ചതോടെ നിരവധി ആളുകളാണ് വെങ്കിടേഷിനെ അഭിനന്ദിച്ച് എത്തിയത്.

703 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close