Kerala

ആഭ്യന്തര വകുപ്പിൽ ഭരണം സഖാക്കൾക്ക് ; ഐ പി എസ് ഓഫീസർമാരെ സമ്മർദ്ദത്തിലാക്കി , ജീവനക്കാരുടെ സ്ഥാനക്കയറ്റം മരവിപ്പിച്ച് എൻജിഒ യൂണിയൻ

തിരുവനന്തപുരം : സംസ്ഥാനത്തെ ആഭ്യന്തരവകുപ്പിന്റെ ചുമതല മുഖ്യമന്ത്രി പിണറായി വിജയനു നേരിട്ടാണെങ്കിലും തീരുമാനങ്ങൾ എടുക്കുന്നത് തലസ്ഥാനത്തെ സഖാക്കളാണ് . പൊലീസ് വകുപ്പിലെ മിനിസ്റ്റീരിയൽ വകുപ്പിലെ സ്ഥാനക്കയറ്റത്തിനുള്ള ഉത്തരവാണ് എൻ ജി ഒ യൂണിയൻ ഇടപെട്ടു തടഞ്ഞത് .

എസ്പിയും ഐജിയും അംഗീകരിച്ച ഉത്തരവാണ് ഐ പി എസ് ഓഫീസർമാരെ പോലും അവഗണിച്ച് മരവിപ്പിച്ചത് . തങ്ങളുടെ സംഘടനയിൽപ്പെട്ട സഖാക്കൾക്ക് സ്ഥാനക്കയറ്റം ലഭിക്കാത്തതാണ് യൂണിയൻ അംഗങ്ങളുടെ ചരട് വലിയ്ക്ക് പിന്നിൽ .

കഴിഞ്ഞ ഏപ്രിലിലാണ് മിനിസ്റ്റീരിയൽ വകുപ്പിലുള്ളവരുടെ സ്ഥാനക്കയറ്റ പട്ടിക പുറത്ത് വന്നത് . പൊലീസിലെ മാനേജർ, സീനിയർ സൂപ്രണ്ട്, അക്കൗണ്ട്സ് ഓഫിസർ തസ്തികകളിലെ ജീവനക്കാരാണ് പട്ടികയിലുള്ളത് .

ഇതിൽ ആദ്യ 13 പേർക്കു നിയമനം നൽകി. ഇപ്പോൾ 11 ഒഴിവുകൾ ഉണ്ട്. സെലക്ട് ലിസ്റ്റിൽനിന്ന് അർഹരായ 9 പേരെ സ്ഥാനക്കയറ്റം നൽകി നിയമിക്കാൻ പൊലീസ് ആസ്ഥാനത്തെ എഐജി രാഹുൽ നായർ ശുപാർശ നൽകി. ഹെഡ്ക്വാർട്ടേഴ്സ് ഐജിയുടെ ചുമതല കൂടി വഹിക്കുന്ന ഡിഐജി എച്ച്.നാഗരാജ് ഇത് അംഗീകരിച്ചു.

തുടർന്ന് സംസ്ഥാന പൊലീസ് മേധാവിയും അനുമതി നൽകിയതോടെ ഫയൽ പൊലീസ് ആസ്ഥാനത്തെ എ ബ്രാഞ്ചിലേയ്ക്ക് അയച്ചു . എന്നാൽ പട്ടികയിൽ സിപിഎം അനുഭാവികൾ ഇല്ലാത്തതിനാൽ യൂണിയൻ ഇടപ്പെട്ടു , ഫയൽ മരവിപ്പിച്ചു . ഇതേ തുടർന്ന് എ ബ്രാഞ്ചിലെ സെക്‌ഷൻ ക്ലാർക്ക്, ജൂനിയർ–സീനിയർ സൂപ്രണ്ടുമാർ എന്നിവരുടെ നിയമന ഫയൽ ഉത്തരവായി പുറപ്പെടുവിക്കാനും കഴിഞ്ഞില്ല.

മാത്രമല്ല ഡിഐജി,ഡിജിപി എന്നിവരെ നേരിട്ട് കണ്ടും നിയമന ഉത്തരവ് ഇറക്കരുതെന്ന് യൂണിയൻ നേതാക്കൾ ആവശ്യപ്പെട്ടു . സഖാക്കളുടെ ഭീഷണിയിൽ വീണ ഐ പി എസ് ഉദ്യോഗസ്ഥരാകട്ടെ തുടർ നടപടികൾ എടുക്കാൻ തയ്യാറായില്ല .

30 വർഷം സർവ്വീസുള്ള ,വിരമിക്കാൻ മാസങ്ങൾ മാത്രം ബാക്കിയുള്ളവരാണ് പട്ടികയിൽ ഉള്ളത് . ഈ 9 പേർക്ക് സ്ഥാനക്കയറ്റം നൽകിയാൽ താഴെയുള്ള ജൂനിയർ സൂപ്രണ്ട്, ഹെഡ് ക്ലാർക്ക്, സീനിയർ ക്ലാർക്ക് എന്നീ തസ്തികകളിൽ ഉള്ള 9 പേർക്കു വീതവും സ്ഥാനകയറ്റം ലഭിക്കും . യൂണിയന്റെ ഇടപെടലോടെ അതും ഇല്ലാതായി .

264 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close