UAE

സഹപാഠികളെ രക്ഷിച്ച 12 കാരനെ കാണാൻ ഷെയ്ഖ് മുഹമ്മ്ദ് നേരിട്ടെത്തി. കുട്ടിയുടെ ധീരതക്ക് അഭിനന്ദന പ്രവാഹം.

ഷാർജ : കൽബയിൽ സ്‌കൂൾ ബസ് തീ പിടിച്ച സംഭവത്തിൽ സഹപാഠികളെ സാഹസികമായി രക്ഷപ്പെടുത്തിയ സ്വദേശി ബാലൻ ഖലീഫ അബ്ദുല്ല അൽ കാബിയെ അഭിനന്ദിക്കാൻ യു എ ഇ വൈസ് പ്രസിഡന്റും, പ്രധാനമന്ത്രിയും, ദുബായ് ഭരണാധികാരിയുമായ ഷേഖ് മുഹമ്മദ് ബിൻ റാഷിദ് അൽ മക്തൂം നേരിട്ടെത്തി. കഴിഞ്ഞ ദിവസമാണ് വിദ്യാർത്ഥികളുമായി സ്‌കൂളിലേക്ക് പോയ ബസിന് തീ പിടിച്ചത്. ബസ്സിൽ പുക നിറഞ്ഞ ഉടനെ ഒപ്പമുണ്ടായിരുന്ന സഹപാഠികളെ ഖലീഫ അബ്ദുല്ല സാഹസികമായി രക്ഷപ്പെടുത്തുകയായിരുന്നു. സുഹൃത്തുക്കളെ രക്ഷിച്ചതിനു ശേഷം ഡ്രൈവറുടെ മൊബൈലിൽ നിന്നും പോലീസിനെ വിവരം അറിയിച്ചതും എട്ടാം ക്ലാസ് വിദ്യാർത്ഥിയായ ഈ മിടുക്കൻ ആയിരുന്നു.

പുതിയ തലമുറക്ക് അഭിമാനമാണ് ഖലീഫ അബ്ദുല്ലയുടെ പ്രവർത്തനമെന്ന് ഷെയ്ഖ് മുഹമ്മദ് പറഞ്ഞു. എല്ലാവരും ഖലീഫ അബ്ദുള്ളയോട് കടപ്പെട്ടിരിക്കുന്നു എന്നും, കുട്ടിയുടെ ധൈര്യവും, സമയോചിതവുമായ പ്രവർത്തനമാണ് മറ്റുള്ളവരെ രക്ഷപെടുത്തിയത് എന്നും അദ്ദേഹം പറഞ്ഞു. യു എ ഇ സിവിൽ ഡിഫൻസ് കമാണ്ടർ ഇൻ ചീഫ് മേജർ ജനറൽ ജാസിം മുഹമ്മദ് അൽ മർസൂഖി യും, ഷാർജ പോലീസ് വകുപ്പും നേരത്തെ ഖലീഫ അബ്ദുല്ലയുടെ ധീരതയെ ആദരിച്ച് പുരസ്‌കാരങ്ങൾ നൽകിയിരുന്നു.

 

4 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close