UAE

യു എ ഇ യിലെ ഏറ്റവും വലിയ ഹൈപ്പർ മാർക്കറ്റ് ഉൾക്കൊള്ളുന്ന സഫാരി മാൾ നാടിന് സമർപ്പിച്ചു. ഷാർജ മുവൈലയിൽ ആണ് 12 ലക്ഷം ചതുരശ്ര അടി വിസ്തൃതിയുള്ള ഷോപ്പിംഗ് മാൾ.

ഉദ്ഘാടനത്തിന് മണിക്കൂറുകൾ മുൻപേ ഒഴുകിയെത്തിയ പതിനായിരങ്ങളെയും വാണിജ്യ, സാംസ്കാരിക മേഖലയിലെ പ്രമുഖരെയും സാക്ഷിയാക്കി യു.എ.ഇയിലെ ഏറ്റവും വലിയ ഹൈപ്പർമാർക്കറ്റ് ഉൾക്കൊള്ളുന്ന സഫാരിമാൾ ഷാർജ മുവൈലയിൽ നാടിനു സമർപ്പിക്കപ്പെട്ടു. ഷാർജ ഉപഭരണാധികാരി ശൈഖ് അബ്ദുല്ല ബിൻ സാലിം അൽ ഖാസിമിയാണ്  ഉദ്ഘാടനം നിർവഹിച്ചത്.  ഷാർജ ഭരണാധികാരി കാര്യാലയം ചെയർമാൻ ശൈഖ് സാലിം ബിൻ അബ്ദുൽ റഹ്മാൻ സാലിം അൽ ഖാസിമി, ശൈഖ് മുഹമ്മദ് ജുമാ ആൽ മക്തും  തുടങ്ങിയ പ്രമുഖർ സംബന്ധിച്ചു.

ഉദ്ഘാടനത്തോടനുബന്ധിച്ച് പഴം, പച്ചക്കറി, ഭക്ഷ്യവസ്തുക്കൾ എന്നിവക്കെല്ലാം വൻ വിലക്കിഴിവാണ് ഏർപ്പെടുത്തിയത്.  12 ലക്ഷം ചതുരശ്ര അടി വിസ്തൃതിയിൽ  നിർമിച്ച മാളിൽ  വൈവിധ്യമാർന്ന ഷോപ്പിങ് ഏരിയകൾക്കു പുറമെ 1000 ത്തിൽ പരംകാറുകൾക്കുള്ള പാർക്കിങ് സൗകര്യമുണ്ട്.  ഈ   മാസം മാൾ സന്ദർശിക്കുന്ന ആർക്കും യാതൊരു പർച്ചേസും ചെയ്യാതെ തന്നെ ഒരു കിലോ സ്വർണം സമ്മാനമായി നേടാനുള്ള നറുക്കെടുപ്പിൽ പങ്കുചേരാം. ഒക്ടോബർ 28 വരെ സഫാരി ഹൈപ്പർമാർക്കറ്റിൽ നിന്ന് 50 ദിർഹമിന് പർച്ചേസ് ചെയ്യുേമ്പാൾ ലഭിക്കുന്ന നറുക്കെടുപ്പിലൂടെ 30 ടൊയോട്ട കൊറോള കാറുകളും സമ്മാനമായി നേടാനാവും. 

1 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close