UAE

തുഷാർ വെള്ളാപ്പള്ളിക്കെതിരായ ചെക്ക് കേസ് അജ്മാൻ കോടതി തള്ളി.

തുഷാർ വെള്ളാപ്പള്ളിക്കെതിരെ നാസിൽ അബ്ദുള്ള നൽകിയ ചെക്ക് കേസ് അജ്മാൻ കോടതി തള്ളി.പരാതിക്കാരന്‍ നാസിൽ അബ്ദുള്ള കോടതിയിൽ സമർപ്പിച്ച രേഖകൾ വിശ്വാസയോഗ്യമല്ലെന്ന് കണ്ടെത്തിയതിനെ തുടർന്നാണ് നടപടി. നാസിലിന്റെ വാദം നിലനില്‍ക്കില്ലെന്ന് അജ്മാന്‍ കോടതി പറഞ്ഞു.നാസിലിന് താന്‍ ചെക്ക് നല്‍കിയിരുന്നില്ലെന്ന തുഷാറിന്റെ വാദം കോടതി അംഗീകരിച്ചു.

ഇതോടെ ജാമ്യത്തിനായി കോടതി കണ്ടുകെട്ടിയ പാസ്‌പോര്‍ട്ട് തുഷാറിന് തിരിച്ചുനല്‍കി.തുഷാറിനെതിരെ  ദുബായ് കോടതിയിൽ നൽകിയ സിവിൽ കേസും തിങ്കളാഴ്ച തള്ളിയിരുന്നു. രണ്ടു കേസും തള്ളിയതോടെ  യാത്രാവിലക്ക് നീങ്ങിയ സാഹചര്യത്തില്‍ ഇനി തുഷാറിന് കേരളത്തിലേക്ക് മടങ്ങാന്‍ തടസ്സമില്ല.18 കോടിയോളം രൂപ കിട്ടാനുണ്ടെന്ന് കാണിച്ചായിരുന്നു നാസില്‍ അബ്ദുള്ളയുടെ പരാതി.ചെക്ക് മോഷ്ടിച്ചതോ അനധികൃതമായി കൈക്കലാക്കിയതോ ആണെന്ന വാദത്തിലായിരുന്നു കേസിന്റെ തുടക്കം മുതൽ തുഷാർ ഉറച്ച് നിന്നത് .

ഇതിനിടെ തുഷാറിനെതിരായി കേസ് കൊടുക്കാന്‍ ഉപയോഗിച്ച ചെക്ക് ഒരു പരിചയക്കാരനില്‍ നിന്ന് നാസില്‍ അബ്ദുല്ല പണം നല്‍കി സംഘടിപ്പിച്ചതാണെന്ന സൂചന നല്‍കുന്ന ശബ്ദ സന്ദേശങ്ങളും പുറത്തു വന്നിരുന്നു.

2 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close