ഇൻസ്റ്റിറ്റ്യൂട്ട് ഓഫ് ചാർട്ടേർഡ് അക്കൗണ്ടന്റ്സ് ഓഫ് ഇന്ത്യ അബുദാബി ചാപ്റ്റർ വിപുലമായ പരിപാടികളോടെ ഓണാഘോഷം സംഘടിപ്പിച്ചു.

അഞ്ഞൂറോളം കുടുംബങ്ങളാണ് ഓണാഘോഷത്തിൽ പങ്കെടുത്തത്.ഇന്ത്യൻ എംബസി ഡപ്യൂട്ടി ചീഫ് ഓഫ് മിഷൻ സ്മിത പന്ഥ് പരിപാടി  ഉദ്ഘാടനം ചെയ്തു .അബുദാബിയിലെ വിവിധ സാംസ്കാരിക സംഘടനാ ഭാരവാഹികള്‍, വ്യവസായ പ്രമുഖര്‍ തുടങ്ങിയവർ പരിപാടിയിൽ പങ്കെടുത്തു.  തിരുവാതിരകളി,ശിങ്കാരിമേളം,ഓണപ്പാട്ടുകൾ തുടങ്ങിയവ ഇന്ത്യയിലെ മറ്റു സംസ്ഥാനങ്ങളിൽനിന്നുള്ള അംഗങ്ങൾക്കു പുതുമായർന്ന കാഴ്ചകളായി.തനത് രീതിയിലുള്ള ഓണസദ്യയും ഒരുക്കിയിരുന്നു.

ചാപ്റ്റർ ജനറൽ സെക്രട്ടറി ജോൺ ജോർജ് ,ചെയർമാൻ ആശിഷ് ബണ്ടാരി,,വൈസ് ചെയർമാൻ നീരജ് റിട്ടോളിയ,ട്രഷറർ കൃഷ്ണൻ തുടങ്ങിയവർ തുടങ്ങിയവർ പരിപാടിക്ക് നേതൃത്വം നൽകി . വരും ദിവസങ്ങളിലും ഓണാഘോഷങ്ങൾ കെങ്കേമമാക്കാനുള്ള തയ്യാറെടുപ്പിലാണ് അബുദാബിയിലെ പ്രവാസി സമൂഹം.