Kerala

തിരുവനന്തപുരം മെഡിക്കല്‍ കോളേജ് ആശുപത്രിയിലെ രോഗികള്‍ക്കും കൂട്ടിരുപ്പുകാര്‍ക്കും തിരുവോണസദ്യ ഒരുക്കി സേവാഭാരതി

തിരുവനന്തപുരം: മെഡിക്കല്‍ കോളേജ് ആശുപത്രിയിലെ രോഗികള്‍ക്കും കൂട്ടിരിപ്പുകാര്‍ക്കും തിരുവോണസദ്യ ഒരുക്കി സേവാഭാരതി പ്രവര്‍ത്തകര്‍. തിരുവനന്തപുരം മെഡിക്കല്‍ കോളേജ് ആശുപത്രിയിലെ രോഗികള്‍ക്കും കൂട്ടിരുപ്പുകാര്‍ക്കുമാണ് സേവാഭാരതി സദ്യ ഒരുക്കിയത്. അതിജീവനത്തിനുള്ള ഓണമായി ഇത്തവണത്തെ ഓണം മാറുമെന്ന് സദ്യ വിളമ്പിയ സുരേഷ് ഗോപി എംപി പറഞ്ഞു.

കഴിഞ്ഞ 17 വര്‍ഷമായി സേവാഭാരതി പ്രവര്‍ത്തകര്‍ തുടര്‍ന്ന് പോകുന്ന തിരുവോണ സദ്യക്കാണ് തിരുവനന്തപുരം മെഡിക്കല്‍ കോളേജ് പരിസരം സാക്ഷിയായത്. തിരുവോണ നാളില്‍ നാടും നഗരവും ഉത്സവത്തിമിര്‍പ്പിലാകുമ്പോള്‍ രോഗികള്‍ക്കും കൂട്ടിരിപ്പുകാര്‍ക്കും ഓണത്തിന്റെ സന്ദേശം പകര്‍ന്നാണ് തിരുവോണ സദ്യ നല്‍കിയത്. 5000ത്തിലധികം പേര്‍ക്കാണ് സദ്യ ഒരുക്കിയത്.

അതിജീവനത്തിന്റെ ഓണമാണെന്നും ഇത്തവണത്തെ ഓണ സദ്യയും വിളമ്പാന്‍ അവസരം ലഭിച്ചതില്‍ സന്തോഷമെന്നും സുരേഷ് ഗോപി എംപി പ്രതികരിച്ചു. പ്രളയം നാശംവിതച്ച കേരളത്തിലെ ജനങ്ങള്‍ അതിജീവിക്കുമെന്നും അദ്ദേഹം പറഞ്ഞു.

തിരുവോണ സദ്യ കഴിക്കാനെത്തിയവരില്‍ ഒരാളായി സദ്യ വിളമ്പിയാണ് സുരേഷ് ഗോപി മടങ്ങിയത്. സമത്വത്തിന്റേയും സാഹോദര്യത്തിന്റെയും സന്ദേശം പകര്‍ന്നാണ് ഇത്തവണയും സേവാഭാരതി ഓണ സദ്യ ഒരുക്കിയത്.

33K Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close