India

ലഡാക്കില്‍ വികസന പദ്ധതികളുമായി കേന്ദ്രം; ലേയിലും കാര്‍ഗിലിലും മെഗാ സോളാര്‍ പദ്ധതി

ലഡാക്ക്: കേന്ദ്ര ഭരണപ്രദേശമായ ലഡാക്കില്‍ വികസന പദ്ധതികളുമായി കേന്ദ്ര സര്‍ക്കാര്‍. 50,000 കോടിയുടെ മെഗാ സോളാര്‍ വൈദ്യുതി പദ്ധതിക്കാണ് കേന്ദ്ര സര്‍ക്കാര്‍ അനുമതി നല്‍കിയത്. ഇതിന്‍പ്രകാരം ലേ, കാര്‍ഗില്‍ ജില്ലകളിലാകും പദ്ധതി നടപ്പിലാക്കുക.

ആദ്യ ഘട്ടത്തില്‍ 7500 മെഗാവാട്ട് വൈദ്യുതി ഉത്പാദിപ്പിക്കുന്ന സോളാര്‍ പദ്ധതിയാകും നടപ്പിലാക്കുക.ഇതിനായി ലേയില്‍ നിന്നും 117 കിമീ അകലെയുള്ള പാങ്ങില്‍ സ്ഥലം കണ്ടെത്തിയതായി കേന്ദ്രമന്ത്രി ആര്‍.കെ സിംഗ് പറഞ്ഞു. പാങ്ങില്‍ നിന്നും ഹിമാചല്‍ പ്രദേശിലെ മണാലി, ഹരിയാനയിലെ കൈഥാല്‍ എന്നിവടങ്ങളിലൂടെയാണ് പദ്ധതിയുടെ പ്രസരണ പാത കടന്നു പോകുന്നത്.ഇതിനുപുറമേ കാര്‍ഗിലിലെ രണ്ടിടങ്ങളിലും പ്ലാന്റുകള്‍ സ്ഥാപിക്കാനും കേന്ദ്രം തീരുമാനിച്ചു.

7500 മെഗാവാട്ട് വൈദ്യുതി ഉത്പാദിപ്പിക്കുന്ന പദ്ധതി പിന്നീട് 23000 മെഗാവാട്ടായി ഉയര്‍ത്തും. സോളാര്‍ പ്ലാന്റുകള്‍ സ്ഥാപിക്കാനായി സോളാര്‍ എനര്‍ജി കോര്‍പ്പറേഷന്‍ ഓഫ് ഇന്ത്യ ഉടന്‍ ടെന്‍ഡര്‍ വിളിക്കും. തുടര്‍ന്ന് 48 മാസത്തിനകം പദ്ധതി കമ്മീഷന്‍ ചെയ്യാനാണ് സര്‍ക്കാര്‍ ലക്ഷ്യമിടുന്നത്.സോളാര്‍ പദ്ധതിക്കായി മുന്‍ നിശ്ചയിച്ച സ്ഥലത്തെ പാരിസ്ഥിതിക പ്രശ്‌നങ്ങള്‍ മുന്‍ നിറുത്തിയാണ് പാങ്ങില്‍ പ്ലാന്റ് നിര്‍മ്മിക്കാന്‍ നിലവില്‍ തീരുമാനിച്ചതെന്ന് മന്ത്രി വ്യക്തമാക്കി.

1K Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close