Kerala

മതിലുകള്‍ കെട്ടുകയല്ല; നവോത്ഥാനത്തിന് തടസ്സമായി നിന്ന മതിലുകള്‍ പൊളിക്കുകയാണ് ശ്രീനാരായണ ഗുരു ചെയ്തത്; വി മുരളീധരന്‍

തിരുവനന്തപുരം: ശ്രീനാരായണ ഗുരുദേവന്റെ 165-ാം ജയന്തി സമ്മേളനം കേന്ദ്ര സഹമന്ത്രി വി. മുരളീധരന്‍ ഉദ്ഘാടനം ചെയ്തു. മതിലുകള്‍ കെട്ടിയല്ല ശ്രീനാരായണഗുരു നവോത്ഥാനം നടത്തിയതെന്ന് വി മുരളീധരന്‍ പറഞ്ഞു. നവോത്ഥാനത്തിന് തടസ്സമായുളള മതിലുകള്‍ പൊളിക്കുകയാണ് ഗുരുദേവന്‍ ചെയ്തത്. താല്‍കാലികമായി നിര്‍മ്മിക്കുന്ന മതിലുകള്‍ നിലനില്‍ക്കില്ലെന്നും അദ്ദേഹം പറഞ്ഞു. ശ്രീ നാരായണ ഗുരുവിന്റെ ദര്‍ശനങ്ങള്‍ എല്ലാ കാലത്തും മൂല്യമുള്ളതാണെന്നും വി മുരളീധരന്‍ പറഞ്ഞു. ശിവഗിരി ഹയര്‍ സെക്കന്‍ഡറി സ്‌കൂള്‍ ഓഡിറ്റോറിയത്തിന്റെ സമര്‍പ്പണവും നടത്തി.

ജന്മദിനത്തിന്റെ ഭാഗമായി ഗുരുദേവന്റെ ജന്മഗൃഹമായ ചെമ്പഴന്തി ഗുരുകുലത്തില്‍ നിന്നും ശിവഗിരി മഠത്തില്‍ നിന്നും ജയന്തി സമ്മേളനങ്ങളും വൈകിട്ടു ഘോഷയാത്രയും നടത്തും. ശിവഗിരിയില്‍ പുലര്‍ച്ചെ ശാന്തിഹവനം, വിശേഷാല്‍ പൂജകളോടെ തുടങ്ങിയ
ചടങ്ങുകളില്‍ ധര്‍മസംഘം ട്രസ്റ്റ് പ്രസിഡന്റ് സ്വാമി വിശുദ്ധാനന്ദ പതാക ഉയര്‍ത്തി.

ജയന്തി മുതല്‍ മഹാസമാധി ദിനം വരെ നടത്തുന്ന ജപജ്ഞത്തിനും ഇന്നു തുടക്കമാകും. വൈകിട്ട് 4.30ന് ഘോഷയാത്രയില്‍ ഗുരുദേവ റിക്ഷയെ അനുഗമിച്ചു ഗുരുദേവ വിഗ്രഹരഥം, ഭക്തിഗാനാലാപന സംഘം, കലാരൂപങ്ങള്‍, ഫ്‌ളോട്ടുകള്‍ തുടങ്ങിയ നഗരപ്രദക്ഷിണം നടത്തും.

ചെമ്പഴന്തി ഗുരുകുലവും ഗുരുജയന്തി ആഘോഷത്തിന് ഒരുങ്ങി കഴിഞ്ഞു. ഗുരുകുലവും പരിസര വീഥികളും പീതപതാകകളും കൊടിതോരണങ്ങളും കൊണ്ട് അലങ്കരിച്ചിട്ടുണ്ട്. ആഘോഷങ്ങള്‍ക്ക് ഗുരുകുലം സെക്രട്ടറി സ്വാമി ശുഭാംഗാനന്ദ കൊടിയുയര്‍ത്തി. ഗുരുകുലത്തില്‍ ഇന്നു രാവിലെ വിശേഷാല്‍ പൂജകളും പ്രാര്‍ത്ഥനകളും നടത്തി.

1K Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close