India

എസ്ബിഐ സേവന നിരക്കുകള്‍ പരിഷ്‌കരിച്ചു; ഒക്ടോബര്‍ മുതല്‍ പ്രാബല്യത്തില്‍

മുംബൈ: സേവന നിരക്കുകള്‍ പരിഷ്‌കരിക്കാനൊരുങ്ങി എസ്ബിഐ. ഇതിന്‍പ്രകാരം ശരാശരി പ്രതിമാസ ബാലന്‍സിലും അതിന്റെ പിഴയിലും ഇളവു വരുത്തും. നഗരം, അര്‍ധനഗരം, ഗ്രാമം എന്നിങ്ങനെ മൂന്നായി തിരിച്ചാണ് സേവന നിരക്ക് ഈടാക്കുന്നത്. നിലവില്‍ അക്കൗണ്ടില്‍ ശരാശരി ബാലന്‍സ് 5000 രൂപയാണ് വേണ്ടത്. ഇളവു വരുന്നതോടെ ഇത് 3000 രൂപയായി കുറയും. മിനിമം ബാലന്‍സിന്റെ പകുതി പോലും അക്കൗണ്ടില്‍ ഇല്ലെങ്കില്‍ 10 രൂപ പിഴയും ജിഎസ്ടിയും ഈടാക്കും.

75 ശതമാനത്തില്‍ കുറവാണ് മിനിമം ബാലന്‍സ് എങ്കില്‍ 15 രൂപ പിഴ ചുമത്തും. എന്‍ഇഎഫ്ടി , ആര്‍ടിജിഎസ് തുടങ്ങിയ സംവിധാനങ്ങള്‍ ഡിജിറ്റല്‍ രൂപത്തിലാണ് ചെയ്യുന്നതെങ്കില്‍ സേവന നിരക്ക് ഈടാക്കില്ല.

അര്‍ധ നഗരങ്ങളില്‍ മിനിമം ബാലന്‍സ് 2000 രൂപയും ഗ്രാമപ്രദേശങ്ങളില്‍ 1000 രൂപയുമാണ് അക്കൗണ്ടില്‍ വേണ്ടത്. അര്‍ധ നഗര മേഖലകളില്‍ ബാലന്‍സ് 50 ശതമാനം ഇല്ലെങ്കില്‍ 7.50 രൂപ പിഴയും ഒപ്പം ജിഎസ് ടിയും ചുമത്തും.

75 ശതമാനം വരെ കുറവ് ഉണ്ടായാല്‍ 10 രൂപ പിഴയുണ്ടാകും. ഗ്രാമ മേഖലകളില്‍ എസ്ബിഐ അക്കൗണ്ടുള്ളവര്‍ക്ക് യഥാക്രമം അഞ്ച് രൂപയും 7.50 രൂപയുമാണ് പിഴ. ജിഎസ്ടിയും ചേര്‍ത്താകും നിരക്ക് ഈടാക്കുന്നത്. പുതിയ നിരക്കുകള്‍ ഒക്ടോബര്‍ മാസം മുതല്‍ പ്രാബല്യത്തില്‍ വരുമെന്ന് ബാങ്ക് അധികൃതര്‍ അറിയിച്ചു.

834 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close