കൈറന്‍സ്: മരണശേഷം ഒരു വര്‍ഷം വരെ മനുഷ്യ ശരീരത്തിന് ചലനം ഉണ്ടാകുമെന്ന് കണ്ടെത്തല്‍. മരണത്തിനു ശേഷം ശരീരത്തിന് സംഭവിക്കുന്ന മാറ്റങ്ങളെ കുറിച്ച് ഗവേഷണം നടത്തുന്ന ശാസത്രജ്ഞരുടേതാണ് പുതിയ കണ്ടെത്തല്‍. ഓസ്‌ട്രേലിയയിലെ ടാഫോണോമിക് എക്‌സ്പിരിമെന്റല്‍ റിസര്‍ച്ചിലെ ഗവേഷകരായ അലിസണ്‍ വില്‍സണും സഹപ്രവര്‍ത്തകരുമാണ് ഇതു സംബന്ധിച്ച് പഠനം നടത്തിയത്.
നിരവധി ടൈം ലാപ്‌സ് ക്യാമറകളുടെ സഹായത്തോടെയാണ് അലിസണും സംഘവും പഠനം നടത്തിയത്. ശരീരം അഴുകുന്നതു മൂലം പേശികള്‍ക്കും സന്ധികള്‍ക്കുവരുന്ന മാറ്റങ്ങളാണ് ചലനത്തിന് പ്രധാന കാരണമെന്നാണ് ഇവരുടെ കണ്ടെത്തല്‍.
പൊലീസുകാരേയും കുറ്റാന്വേഷകരേയും സഹായിക്കാന്‍ ഇത്തരം പഠനം സഹായിക്കുമെന്ന് അലിസണ്‍ പറഞ്ഞു. അതുപോലെ അജ്ഞാത മൃതദേഹങ്ങള്‍ തിരിച്ചറിയാനും മരിച്ച സമയം തിരിച്ചറിയാനുമൊക്കെ പഠനം സഹായിക്കുമെന്നും അദ്ദേഹം വ്യക്തമാക്കി.
എഴുപതോളം മൃതദേഹങ്ങളെയാണ് പഠനത്തിനായി സംഘം ഉപയോഗിച്ചത്. ദക്ഷിണ ഹെമിസ്പീയറിലെ രഹസ്യ കേന്ദ്രത്തിലെ പുല്‍മേടുകളിലാണ് മൃതദേഹങ്ങളെ സൂക്ഷിച്ച് പരീക്ഷണം നടത്തിയതെന്നും അലിസണ്‍ വ്യക്തമാക്കി. ഫോറന്‍സിക് സയന്‍സ് ഇന്റര്‍ നാഷണല്‍: സിനേര്‍ജി എന്ന മാഗസിനിലാണ് പഠന റിപ്പോര്‍ട്ട് പ്രസിദ്ധീകരിച്ചത്.
POST YOUR COMMENTS
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.