Kerala

തുഷാര്‍ വെള്ളാപ്പള്ളി കേരളത്തില്‍ തിരിച്ചെത്തി; വിമാനത്താവളത്തില്‍ വന്‍ സ്വീകരണമൊരുക്കി പ്രവർത്തകർ

കൊച്ചി: ബിഡിജെഎസ് നേതാവ് തുഷാര്‍ വെള്ളാപ്പള്ളി കേരളത്തില്‍ തിരിച്ചെത്തി. വണ്ടിചെക്ക് കേസില്‍ അജ്‌മാൻ കോടതി കുറ്റവിമുക്തനാക്കിയതിനെ തുടർന്നാണ് തുഷാർ മോചിതനായത്. ഇന്ന് രാവിലെ 10 മണിയോടെ നെടുമ്പാശ്ശേരി വിമാനത്താവളത്തില്‍ വന്‍ ആഘോഷത്തോടെയാണ് തുഷാറിനെ പ്രവര്‍ത്തകര്‍ സ്വീകരിച്ചത്. ആരോടും വിദ്വേഷമില്ല. എസ് എന് ഡി പി യുടെ വൈസ് പ്രസിഡന്ർര് എന്ന നിലയില്‍ എല്ലാ പാര്‍ടിയും സഹായിച്ചതായി തുഷാര്‍ സമ്മേളനത്തില്‍ പറഞ്ഞു.

തുഷാര്‍ വെള്ളാപ്പള്ളി തിരിച്ചെത്തുന്നതറിഞ്ഞ് ബിജെപിയുടെയും ബിഡിജെഎസിന്റേയും മുതിര്‍ന്ന നേതാക്കള്‍ വിമാനത്താവളത്തില്‍ എത്തിയിരുന്നു. വിമാനത്താവള പരിസരത്ത്‌ അതിരാവിലെ തന്നെ പ്രവര്‍ത്തകരുടെ നല്ല തിക്കും തിരക്കുമായിരുന്നു.ആലുവയിൽ പ്രത്യേക സ്വീകരണവും ബിഡിജെഎസ് നടത്തി .വഴിനീളെ തുഷാറിന്റെ ചിത്രങ്ങൾ വച്ച് അലങ്കരിച്ചായിരുന്നു സ്വീകരണം.

കൊടുങ്ങല്ലൂര്‍ സ്വദേശി നാസില്‍ അബ്ദുള്ളയുടെ പരാതിയില്‍ അജ്മാന്‍ കോടതിയില്‍ നിലവിലുണ്ടായിരുന്ന ചെക്ക് കേസ് കോടതി തള്ളിയതോടെയാണ് തുഷാര്‍ കേരളത്തില്‍ മടങ്ങിയെത്തിയത്. കേസില്‍ കുറ്റവിമുക്തനായതോടെ നീതിയുടെ വിജയമെന്നും തുഷാര്‍ വെള്ളാപ്പള്ളി പ്രതികരിച്ചിരുന്നു.

213 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close