നോര്‍ത്ത് കരോലിന: വസ്ത്രങ്ങള്‍ അലക്കുന്നതിന് അഞ്ച് ദിവസത്തെ നിരോധനം ഏര്‍പ്പെടുത്തിയതോടെ ബുദ്ധിമുട്ടിലായി ജനം. അമേരിക്കയിലെ നോര്‍ത്ത് കരോലിനയിലെ സര്‍ഫ് സിറ്റിയിലാണ് സര്‍ക്കാര്‍ വിചിത്രമായ വിലക്ക് ഏര്‍പ്പെടുത്തിയിരിക്കുന്നത്.
ഒക്ടോബര്‍ 7 മുതല്‍ല 11 വരെയാണ് വിലക്ക് ഏര്‍പ്പെടുത്തിയിരിക്കുന്നത്. വിലക്ക് നാലാം ദിവസം കടന്നതോടെ ജനം പ്രതിസന്ധിയിലായിരിക്കുകയാണ്. വെള്ളത്തില്‍ ഇരുമ്പിന്റെ അംശം കണ്ടെത്തിയതോടെയാണ് വസ്ത്രങ്ങള്‍ അലക്കുന്നതിന് സര്‍ക്കാര്‍ വിലക്കേര്‍പ്പെടുത്തിയത്. ഇരുമ്പിന്റെ അംശം കൂടുതലുള്ള ജലത്തില്‍ വസ്ത്രങ്ങള്‍ അലക്കിയാല്‍ കേടുവരാനുള്ള സാധ്യതയുള്ളതിനാലാണ് സര്‍ക്കാര്‍ അഞ്ച് ദിവസത്തേക്ക് വസ്ത്രങ്ങള്‍ അലക്കരുതെന്ന് നിര്‍ദേശം നല്‍കിയത്.
അതേസമയം വെള്ളം കുടിക്കാനും ഭക്ഷണം പാകം ചെയ്യാനും ഉപയോഗിക്കുന്നതില്‍ കുഴപ്പമില്ലെന്ന് സര്‍ക്കാര്‍ അറിയിച്ചിട്ടുണ്ട്. പൊതുമരാമത്ത് വകുപ്പ് ഉദ്യോഗസ്ഥര്‍ വെള്ളത്തിലെ ഇരുമ്പിന്റെ അംശം സാധാരണ നിലയിലാക്കാനുള്ള ശ്രമത്തിലാണ്.
