India

മെഡിക്കല്‍ കോളേജ് അഴിമതി; കോണ്‍ഗ്രസ് നേതാവ് ജി പരമേശ്വരയുടെ വീട്ടിലും സ്ഥാപനങ്ങളിലും റെയ്ഡ്

ബംഗളൂരു: മുന്‍ കര്‍ണ്ണാടക ഉപമുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായ ജി പരമേശ്വരയുടെ വീട്ടിലും, മെഡിക്കല്‍ കോളേജിലും ആദായനികുതി വകുപ്പിന്റെ പരിശോധന. ഇന്ന് രാവിലെയാണ് വീട്ടിലും മെഡിക്കല്‍ കോളേജിലും ആദായ നികുതി വകുപ്പ് പരിശോധന നടത്തിയത്. മെഡിക്കല്‍ കോളേജില്‍ സാമ്പത്തിക ക്രമക്കേടുള്ളതായി ആദായ നികുതി വകുപ്പ് കണ്ടെത്തി.

കൂടാതെ പരമേശ്വരയുമായി ബന്ധമുള്ള 30 ഓളം സ്ഥാപനങ്ങളിലും പരിശോധന നടത്തിയതായി ആദായ നികുതി ഉദ്യോഗസ്ഥര്‍ പറഞ്ഞു .പരമേശ്വരയുടെത് കൂടാതെ മുന്‍ കേന്ദ്ര മന്ത്രിയും കോണ്‍ഗ്രസ് നേതാവുമായ ആര്‍ എല്‍ ജലപ്പയുടെ കോലാറിലെ മെഡിക്കല്‍ കോളേജിലും ആദായ നികുതി വകുപ്പ് പരിശോധന നടത്തിയിട്ടുണ്ട്.

അതേസമയം ആദായ നികുതി വകുപ്പിന്റെ പരിശോധന രാഷ്ട്രീയ പ്രേരിതമാണെന്ന് കോണ്‍ഗ്രസ് ആരോപിച്ചു. മുതിര്‍ന്ന കോണ്‍ഗ്രസ് നേതാക്കളായ പരമേശ്വരയുടെയും, ജലപ്പയുടെയും വീട്ടില്‍ നടന്ന റെയ്ഡ് രാഷ്ട്രീയ പ്രേരിതമാണെന്നും, സംഭവത്തിന് പിന്നില്‍ ഗൂഢാലോചനയുണ്ടെന്നും കര്‍ണ്ണാടക പ്രതിപക്ഷ നേതാവ് സിദ്ധരാമയ്യ പറഞ്ഞു

203 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close