India

അർദ്ധ സൈനിക വിന്യാസത്തിൽ സമഗ്ര മാറ്റവുമായി മോദി സർക്കാർ

ന്യൂഡല്‍ഹി: സംസ്ഥാനങ്ങളിലും കേന്ദ്രഭരണ പ്രദേശങ്ങളിലും അര്‍ദ്ധസൈനികരെ വിന്യസിക്കുന്നതിന് ഇനി അധികം പണം നല്‍കേണ്ടി വരും. മുന്‍ വര്‍ഷത്തെ അപേക്ഷിച്ച് 10 മുതല്‍ 15 ശതമാനം വരെ അധികം തുക ഇനി നല്‍കേണ്ടി വരുമെന്ന് ആഭ്യന്തര മന്ത്രാലയം വ്യക്തമാക്കി. 2023 ഓടെ അര്‍ദ്ധ സൈനിക വിഭാഗത്തെ വിന്യസിക്കാന്‍ നിലവില്‍ ഉള്ള തുകയുടെ 65 ശതമാനം ചെലവഴിക്കേണ്ടി വരും.

2019 -20 കാലഘട്ടത്തില്‍ സാധാരണ പ്രദേശങ്ങളില്‍ അര്‍ദ്ധ സൈനികരെ വിന്യസിക്കുന്നതിന് 13.70 കോടിയാണ് നല്‍കേണ്ടത്. 2023- 24 കാലഘട്ടമാകുമ്പോഴേക്കും ഇത് 22.30 കോടിയായി മാറും. കേന്ദ്രഭരണ പ്രദേശങ്ങളില്‍ നിയമസഭകള്‍ ഇല്ലാത്തതിനാല്‍ പുതിയ ചാര്‍ജില്‍ നിന്നും ഒഴിവാക്കും. സൈനികര്‍ക്കാവശ്യമുള്ള അടിസ്ഥാന സൗകര്യങ്ങളായ വെള്ളം, വൈദ്യുതി എന്നിവ ഒരുക്കുന്നതിന്റെ ചെലവും സംസ്ഥാനങ്ങള്‍ വഹിക്കണമെന്നും ആഭ്യന്തര മന്ത്രാലയം നിര്‍ദ്ദേശിക്കുന്നു.

അപകട സാധ്യതയുള്ള പ്രദേശങ്ങളില്‍ സൈന്യത്തെ വിന്യസിക്കുന്നതിന് നല്‍കേണ്ടത് 25.18 കോടിയാണ്. 2023 -24 ഓടെ ഇത് 33.78 കോടിയായി വര്‍ധിക്കും. പത്ത് ദിവസത്തില്‍ കൂടുതല്‍ സൈനികരെ വിന്യസിച്ചാല്‍ ഒരുമാസത്തെ പണം നല്‍കേണ്ടി വരും.

476 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close