World

ഇന്തോനേഷ്യന്‍ സുരക്ഷാമന്ത്രിക്കെതിരെ ഐഎസ് വധശ്രമം

ജക്കാര്‍ത്ത: ഇന്തോനേഷ്യന്‍ സുരക്ഷാമന്ത്രിക്കു നേരെ ഐഎസ് ഭീകരന്മാരുടെ കൊലപാതകശ്രമം.ഇന്നലെയാണ് ഇസ്ലാമിക് സ്‌റ്റേറ്റ് ഭീകരന്മാര്‍ മന്ത്രി വിരാന്റോയെ വധിക്കാന്‍ ശ്രമിച്ചത്.ഇന്തോനേഷ്യയിലെ പാണ്ഡേഗ്ലാങ്ങിലാണ് സംഭവം നടന്നത്.

പാണ്ഡേഗ്ലാങ്ങിലെ സര്‍വകലാശാല സന്ദര്‍ശനത്തിനെത്തിയ വിരാന്റോയെ ഒരുസ്ത്രീയും പുരുഷനും ചേര്‍ന്ന് കുത്തുകയായിരുന്നു. പരിക്കേറ്റ വീരാന്റോയെ സുരക്ഷാഭടന്മാര്‍ ഹെലിക്കോപ്റ്ററില്‍ ഉടന്‍ ആശുപത്രിയിലെത്തിച്ചു. ഇതിനിടെ അക്രമികളെ സുരക്ഷാഭടന്മാര്‍ കീഴ്‌പ്പെടുത്തി.ദമ്പതികളായ അക്രമികളില്‍ ഭര്‍ത്താവിന്റെ കയ്യില്‍ രണ്ടു കത്തികളാണുണ്ടായിരുന്നതെന്ന് സുരക്ഷാ ഭടന്മാര്‍ പറഞ്ഞു.

ഐഎസില്‍ നിന്ന് പ്രചോദനമുള്‍ക്കൊണ്ടിട്ടാണ് അക്രമം നടത്തിയതെന്ന് ഇന്തോനേഷ്യ ആഭ്യന്തരവകുപ്പ് അറിയിച്ചു.ഭീകരസംഘടനയായ ജമാ അന്‍ഷാറൂത്ത് ദുലാ എന്ന സംഘടനയില്‍പ്പെട്ടവരാണ് അക്രമികളെന്ന് തിരിച്ചറിഞ്ഞിട്ടുണ്ട്. ആക്രമിച്ച പുരുഷന്റെ പേര് സിയാഹ്‌റില്‍ അല്‍മാസിയ എന്നും സത്രീയുടെ പേര് ഫിത്രി ആന്ദ്രിയാനയാണെന്നും രഹസ്യാന്വേഷണ വിഭാഗം തലവന്‍ ബുധി ഗുണവാന്‍ അറിയിച്ചു. മന്ത്രിയെ കൂടാതെ മറ്റ് മൂന്ന് സര്‍വ്വകലാശാല ജീവനക്കാര്‍ക്കും പരിക്കേറ്റിട്ടുണ്ട്.

166 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close