India

മുംബൈയില്‍ 63 ലക്ഷം രൂപ തെരഞ്ഞെടുപ്പ് കമ്മീഷന്‍ പിടിച്ചെടുത്തു

മുംബൈ: നിയമസഭാ തെരഞ്ഞെടുപ്പിന് മുന്നോടിയായി തെരഞ്ഞെടുപ്പ് കമ്മീഷന്‍ നടത്തിയ പരിശോധനയില്‍ 63 ലക്ഷം രൂപ പിടിച്ചെടുത്തു. രണ്ടിടങ്ങളിലായി നടത്തിയ പരിശോധനയിലാണ് പണം പിടിച്ചെടുത്തത്. മുംബൈയിലെ ബൈക്കുള മേഖലയില്‍ നിന്നാണ് 58.58 ലക്ഷം രൂപ പിടികൂടിയത്. ധാരാവിയില്‍ നിന്നും 4.51 ലക്ഷം രൂപയും പിടിച്ചെടുത്തു.

ധാരാവി നിയമസഭാ മണ്ഡലത്തില്‍ നിന്നും കഴിഞ്ഞ ദിവസവും 8.17 ലക്ഷം രൂപ പിടിച്ചെടുത്തിരുന്നു. വാഹനത്തില്‍ ഒളിപ്പിച്ച് കടത്താന്‍ ശ്രമിച്ച പണമാണ് തെരഞ്ഞെടുപ്പ് കമ്മീഷന്‍ നടത്തിയ പരിശോധനയില്‍ കണ്ടെത്തിയത്. മുംബൈയിലെ ഘട്കോപാര്‍ സ്വദേശിയായ 42കാരന്‍ ധീരേന്ദ്ര കാന്തിലാല്‍ ഛെഡ എന്നയാളുടെ ഉടമസ്ഥതയിലുള്ള വാഹനത്തില്‍ നിന്നാണ് പണം കണ്ടെത്തിയത്.

തെരഞ്ഞെടുപ്പിന്റെ ഭാഗമായി കള്ളപ്പണമൊഴുകാന്‍ സാധ്യതയുള്ളതിനാല്‍ സംസ്ഥാനത്തിന്റെ വിവിധയിടങ്ങളില്‍ പരിശോധന തുടരുകയാണ്.

164 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close