Kerala

വിലങ്ങ് അഴിച്ച സമയം നോക്കി പ്രതി ഇറങ്ങി ഓടി; രക്ഷപ്പെടാനായി ചെന്നു കയറിയത് പൊലീസ് സ്റ്റേഷനില്‍; വൈറലായി ദൃശ്യങ്ങള്‍

തൃശൂര്‍: വൈദ്യപരിശോധനയ്ക്കായി വിലങ്ങ് അഴിച്ച സമയം നോക്കി പൊലീസുകാരുടെ കണ്ണു വെട്ടിച്ച് ഓടി രക്ഷപ്പെട്ട പ്രതിയെ ഓടിച്ചിട്ട് പിടികൂടി പൊലീസ്. അടിപിടി കേസിലെ പ്രതിയായ വരയിടം സ്വദേശി ലിയോ എന്ന യുവാവിനെയാണ് പൊലീസ് പിടികൂടിയത്.

കുന്നംകുളം സര്‍ക്കാര്‍ ആശുപത്രിയില്‍ വൈദ്യ പരിശോധനയ്ക്ക് എത്തിച്ചപ്പോഴാണ് പ്രതി ഇറങ്ങിയോടിയത്. കോടതിയില്‍ ഹാജരാക്കുന്നതിന് മുന്‍പ് വൈദ്യ പരിശോധനയ്ക്ക് എത്തിച്ചതായിരുന്നു പ്രതിയെ. കയ്യിലെ വിലങ്ങ് അഴിച്ച തക്കം നോക്കി പ്രതി ഇറങ്ങി ഓടുകയായിരുന്നു.

പ്രതിയുടെ പിറകെ കൂട്ടുപ്രതിയുമായി പൊലീസുകാരനും കൂടെ ഓടി. കൈവിലങ്ങു ധരിച്ച കൂട്ടുപ്രതിയുമായി രക്ഷപ്പെട്ട പ്രതിയുടെ പിന്നാലെ പായുന്ന പൊലീസുകാരന്റെ ദൃശ്യങ്ങള്‍ സാമൂഹ്യമാദ്ധ്യമങ്ങളില്‍ വൈറലായിരുന്നു. പക്ഷെ പ്രതി രക്ഷപ്പെടാനായി ഓടിക്കയറിയത് പൊലീസ് സ്റ്റേഷനിലേക്കായിരുന്നു. ഇതോടെ പൊലീസുകാര്‍ പ്രതിയെ കയ്യോടെ പിടികൂടി. പേരാമംഗലം പൊലീസാണ് പ്രതിയെ പിടികൂടിയത്.

340 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close