India

പശ്ചിമ ബംഗാളില്‍ വീണ്ടും തൃണമൂല്‍ ആക്രമണം; ബിജെപി പ്രവര്‍ത്തകന്‍ വെടിയേറ്റു മരിച്ചു

കൊല്‍ക്കത്ത: പശ്ചിമ ബംഗാളില്‍ ബിജെപി പ്രവര്‍ത്തകര്‍ക്ക് നേരെയുണ്ടാകുന്ന ആക്രമണങ്ങള്‍ തുടര്‍ക്കഥയാകുന്നു. നാദിയ ജില്ലയിലെ ബിജെപി നേതാവ് ഹരള ദേബ്‌നാഥ് രണ്ടംഗ സംഘത്തിന്റെ വെടിയേറ്റു മരിച്ചു. പലചരക്ക് കട നടത്തുന്ന ദേബ്‌നാഥ് കഴിഞ്ഞ ദിവസം രാത്രി കടയടച്ച ശേഷം പുറത്തിറങ്ങിയപ്പോഴാണ് ആക്രമണമുണ്ടായത്.

‘ദേബ്‌നാഥിന്റെ ഭാര്യയുടെ മുന്‍പില്‍ വെച്ചാണ് ആക്രമണമുണ്ടായത്. രാത്രി 10 മണിയോടെ കച്ചവടം അവസാനിപ്പിച്ച് കടയില്‍ നിന്നും പുറത്തിറങ്ങിയ ദേബ്‌നാഥിനു നേരെ രണ്ടംഗ സംഘം വെടിയുതിര്‍ക്കുകയായിരുന്നു. ഇവര്‍ ഭക്ഷണ പദാര്‍ത്ഥങ്ങള്‍ വാങ്ങാനെന്ന വ്യാജേന കടയിലെത്തിയിരുന്നു. സാധനം വാങ്ങിയ ശേഷമാണ് ഇവര്‍ ദേബ്‌നാഥിന് നേരെ വെടിവെച്ചത്. ആക്രമണത്തില്‍ തൃണമൂല്‍ കോണ്‍ഗ്രസിന് പങ്കുണ്ടെന്ന് സംശയിക്കുന്നു’. ബിജെപി ജില്ലാ പ്രസിഡന്റ് ഡോ.മനോബേന്ദ്ര റോയ് വ്യക്തമാക്കി.

സംസ്ഥാനത്ത് വര്‍ദ്ധിച്ചു വരുന്ന ആക്രമണത്തിന് നേരെ മമതാ സര്‍ക്കാര്‍ കണ്ണടക്കുകയാണെന്നും ഗുണ്ടകളുടെ ശല്യംകൊണ്ട് ജീവിക്കാന്‍ പറ്റാതായെന്നും ഹരള ദേബ്‌നാഥിന്റെ അയല്‍വാസിയായ പ്രദീപ് റോയ് പറഞ്ഞു. ദേബ്‌നാഥിനു നേരെയുണ്ടായ ആക്രമണത്തിന് പിന്നാലെ അക്രമികളെ അറസ്റ്റ് ചെയ്യണമെന്നാവശ്യപ്പെട്ട് ബിജെപി നേതാക്കള്‍ പോലീസ് സ്‌റ്റേഷന് മുന്നില്‍ പ്രതിഷേധിച്ചു. സംഭവത്തില്‍ അന്വേഷണം പുരോഗമിക്കുകയാണെന്ന് പോലീസ് അറിയിച്ചു.

729 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close