Kerala

ആനക്കൊമ്പ് കൈവശം വെക്കുന്നതിന് അനുമതിയുണ്ട്; ഏഴ് കൊല്ലത്തിനു ശേഷം കുറ്റപത്രം സമർപ്പിച്ചതിൽ ഗൂഡാലോചനയുണ്ട്: മോഹൻലാൽ

കൊച്ചി: ആനക്കൊമ്പ് കൈവശം വച്ച കേസിൽ തനിക്കെതിരെ പെരുമ്പാവൂർ കോടതിയിൽ സമർപ്പിച്ച കുറ്റപത്രം നിലനിൽക്കില്ലെന്ന് മോഹൻലാൽ. 2011 ഡിസംബറിൽ രജിസ്റ്റർ ചെയ്‌ത കേസിൽ ഏഴു കൊല്ലത്തിനു ശേഷം കുറ്റപത്രം സമർപ്പിച്ചതിൽ ഗൂഡാലോചന ഉണ്ടെന്നും ഹൈക്കോടതിയിൽ നൽകിയ വിശദീകരണത്തിൽ പറയുന്നു.

ആനക്കൊമ്പ് കൈവശം വയ്ക്കുന്നതിന് ബന്ധപ്പെട്ട അധികാരികളിൽ നിന്ന് തനിക്ക് അനുമതി ലഭിച്ചിട്ടുണ്ട്. തന്നെ അപകീർത്തിപ്പെടുത്താനും പൊതുജനമധ്യത്തിൽ മോശക്കാരനാക്കാനും ലക്ഷ്യമിട്ടാണ് ഇപ്പോഴത്തെ പരാതിയെന്നും മോഹൻലാലിൻറെ വിശദീകരണത്തിൽ പറയുന്നു.

2011 ൽ രജിസ്റ്റർ ചെയ്‌ത കേസിൽ തുടർനടപടി സ്വീകരിക്കാത്തതിന് എതിരെ സ്വകാര്യവ്യക്തി ഹൈക്കോടതിയെ സമീപിച്ചിരുന്നു. മോഹൻലാലിനെ ഒന്നാം പ്രതിയാക്കി പെരുമ്പാവൂർ കോടതിയിൽ കുറ്റപത്രം സമർപ്പിച്ചതായി സർക്കാർ മറുപടി നൽകി. ഈ കേസിൽ ആണ് മോഹൻലാൽ ഇപ്പോൾ വിശദീകരണം നൽകിയിട്ടുള്ളത്.

996 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close