India

ചിദംബരത്തെ അറസ്റ്റ്‌ചെയ്യണം: അനുമതി തേടി എന്‍ഫോഴ്‌സ്‌മെന്റ് ഡയറക്ട്രേറ്റ് കോടതിയില്

ന്യൂഡല്‍ഹി;ഐഎന്‍എക്‌സ് അനധികൃത പണമിടപാട് കേസില്‍ പി.ചിദംബരത്തെ അറസ്റ്റ് ചെയ്യാന്‍ അനുമതി തേടി എന്‍ഫോഴ്‌സ്‌മെന്റ് ഡയറക്ട്രേറ്റ് കോടതിയെ സമീപിച്ചു. ഡല്‍ഹി കോടതിയില്‍ ആണ് ഇതു സംബന്ധിച്ച് അന്വേഷണ സംഘം അപേക്ഷ നല്‍കിയത്.

കേസില്‍ ചിദംബരത്തെ കസ്റ്റഡിയില്‍ എടുത്ത് ചോദ്യം ചെയ്യേണ്ടത് അനിവാര്യമാണെന്ന് സുപ്രിംകോടതി നിരീക്ഷിച്ചിരുന്നു. ഇക്കാര്യങ്ങള്‍ ഡല്‍ഹി പ്രത്യേകകോടതി ജഡ്ജ് അജയ്കുമാര്‍ കുന്‍ഹ മുന്‍പാകെ അന്വേഷണ സംഘം ബോധിപ്പിച്ചു. അന്വേഷണ സംഘത്തിനായി സോളിസിറ്റര്‍ ജനറല്‍ തുഷാര്‍മേത്തയാണ് കോടതിയില്‍ ഹാജരായത്.
പണമിടപാട് കേസ് പ്രത്യേക കുറ്റമായാണ് അന്വേഷിക്കുന്നത്. കേസില്‍ അറസ്റ്റുചെയ്ത് അന്വേഷണം നടത്തേണ്ടതിന്റെ ആവശ്യമുണ്ടെന്നും തുഷാര്‍മേത്ത കോടതിയെ അറിയിച്ചു.

കേസില്‍ സിബിഐ ഇതിനകം തന്നെ ചിദംബരത്തെ അറസ്റ്റു ചെയ്‌തെന്നും ചോദ്യം ചെയ്യല്‍ പൂര്‍ത്തിയായതാണെന്നും കബില്‍ സിബല്‍ എതിര്‍വാദമുന്നയിച്ചു . ചിദംബരത്തെ അറസ്റ്റുചെയ്യാനായി എന്‍ഫോഴ്‌സ്‌മെന്റ് ഡയറക്ട്രേറ്റിന് അധികാരമില്ലെന്നും കബില്‍സിബല്‍ വാദിച്ചു.

ചിദംബരത്തിന്റെ വിദേശത്തുള്ള കമ്പനികളെകുറിച്ചും പണമിടപാടുകളെകുറിച്ചും സിബിഐ ചോദ്യം ചെയ്യല്‍ പൂര്‍ത്തിയായതാണെന്നും വീണ്ടും ഇത്തരത്തിലൊരു ഇടപെടല്‍ ആവശ്യമില്ലെന്നുമായിരുന്നു സിബലിന്റെ വാദം. നിലവില്‍  ഐഎന്‍എക്‌സ് അനധികൃത പണമിടപാടി ഐഎന്‍എക്‌സ് അനധികൃത പണമിടപാട് കേസില്‍ പി.ചിദംബരം തീഹാര്‍ ജയിലിലാണ് . ഒക്ടോബര്‍ 17വരെ ആണ് ജുഡീഷ്യല്‍ കസ്റ്റഡി കാലാവധി.

238 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close