UAE

വാണിജ്യ, നിക്ഷേപ രംഗങ്ങളിൽ ഇന്ത്യ യു.എ.ഇ ബന്ധം ശക്തമാക്കാൻ ധാരണ

കേന്ദ്ര വിദേശകാര്യ സഹമന്ത്രി വി.മുരളീധരൻ യു.എ.ഇ സ്റ്റേറ്റ് മന്ത്രി അഹമ്മദ് അലി അൽ സായെഹ്, വിദേശകാര്യ അന്താരാഷ്ട്ര സഹകരണവകുപ്പ് മന്ത്രി ശൈഖ് അബ്ദുല്ല ബിൻ സായിദ് അൽ നഹ്യാൻ എന്നിവരുമായി കൂടിക്കാഴ്ച്ച  നടത്തി. അബുദാബിയിൽ നടന്ന ഇന്ത്യൻ ഓഷ്യൻ റിം അസോസിയേഷൻ മന്ത്രിതല യോഗത്തിൽ പങ്കെടുക്കാൻ എത്തിയതായിരുന്നു വി.മുരളീധരൻ.
കൂടിക്കാഴ്ച്ചയിൽ വാണിജ്യ, നിക്ഷേപ രംഗങ്ങളിൽ ഇരു രാജ്യങ്ങൾ തമ്മിലുള്ള ബന്ധം ശക്തമാക്കുന്നതിനെക്കുറിച്ച് ചർച്ചകൾ നടന്നു. വിനോദസഞ്ചാര രംഗത്തെ സാധ്യതകൾ ശക്തിപ്പെടുത്താനും  ഇന്ത്യൻ മഹാസമുദ്രത്തിലെ കപ്പൽച്ചാലുകളുടെ സുരക്ഷ ശക്തമാക്കാനുള്ള യോജിച്ചുള്ള ശ്രമങ്ങൾ ഇരുരാജ്യങ്ങളും ചേർന്ന് നടത്തുമെന്നും മന്ത്രിമാർ വിശദമാക്കി. ലോകത്തിലെ ചരക്കുകപ്പലുകളുടെ പകുതിയും കടന്നുപോകുന്ന സുപ്രധാന മാർഗമാണിത്. യു.എ.ഇ ഇന്ത്യൻ സ്ഥാനപതി പവൻ കപൂർ, ഡെപ്യൂട്ടി ചീഫ് ഓഫ് മിഷൻ സ്മിത പാന്ഥ് തുടങ്ങിയവർ കൂടിക്കാഴ്ച്ചയിൽ പങ്കെടുത്തു.

0 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close