India

ഭീഷണികളില്ല , നെഹ്രു കുടുംബത്തിന്റെ എസ്പിജി സുരക്ഷ പിൻവലിക്കാൻ മോദി സർക്കാർ ; ഇസഡ് – പ്ലസ് സുരക്ഷ തുടരും

ന്യൂഡൽഹി ; നെഹ്രു കുടുംബത്തിന്റെ എസ് പി ജി സുരക്ഷ പിൻവലിക്കാൻ കേന്ദ്ര ആഭ്യന്തര മന്ത്രാലയം . നിലവിൽ സുരക്ഷാ ഭീഷണികൾ ഇല്ലാത്തതിനാലാണ് പുതിയ തീരുമാനം . പകരം സോണിയ , രാഹുൽ , പ്രിയങ്ക എന്നിവരുടെ സംരക്ഷണത്തിനായി സിആർപിഎഫിലെ പ്രത്യേക പരിശീലനം തേടിയ കമാൻഡോസിനെ തന്നെ നിയമിക്കുമെന്ന് കേന്ദ്ര ആഭ്യന്തര മന്ത്രാലയം അറിയിച്ചു .

എല്ലാ ഏജൻസികളിൽ നിന്നുമുള്ള ഭീഷണി സാഹചര്യങ്ങൾ വിലയിരുത്തിയ ശേഷമാണ് എസ്പിജി സുരക്ഷാ പിൻവലിക്കാനുള്ള തീരുമാനം എടുത്തതെന്ന് ആഭ്യന്തര വൃത്തങ്ങൾ അറിയിച്ചു . മുൻ പ്രധാനമന്ത്രി മൻമോഹൻ സിംഗിന്റെ എസ്.പി.ജി സുരക്ഷ അടുത്തിടെ പിൻവലിച്ചിരുന്നു. മൻമോഹന് ഇസെഡ് പ്ലസ് സുരക്ഷയാണ് ഇപ്പോഴുള്ളത്.

ഇന്ദിരാഗാന്ധി കൊല്ലപ്പെട്ടതിന് പിന്നാലെ 1985ലാണ് എസ്.പി.ജി രൂപീകരിച്ചത്. രാജീവ് ഗാന്ധിയുടെ മരണത്തെ തുടർന്നാണ് നെഹ്രു കുടുംബത്തിനു എസ് പി ജി സുരക്ഷ നൽകിയത് .

3000 പേരടങ്ങുന്ന എസ്.പി.ജി സംഘം പ്രധാനമന്ത്രിക്കും മുന്‍ പ്രധാനമന്ത്രിമാര്‍ക്കും അവരുടെ കുടുംബാംഗങ്ങള്‍ക്കുമാണ് സുരക്ഷ ഒരുക്കുന്നത്. എത്രത്തോളം ഭീഷണി നേരിടുന്നു എന്നതിന്‍റെ അടിസ്ഥാനത്തിലാണ് എസ്.പി.ജി സുരക്ഷ ഒരുക്കുന്നത്.ഇതിനു ഭീമമായ ചിലവാണ് സർക്കാർ വഹിക്കുന്നത് .

737 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close