India

നവംബർ 9 ചരിത്ര ദിനം , വിധിയെ രാജ്യം പൂർണ്ണ മനസ്സോടെ സ്വീകരിച്ചു ; രാജ്യത്തെ അഭിസംബോധന ചെയ്ത് പ്രധാനമന്ത്രി

ന്യൂഡൽഹി : നവംബർ 9 ഭാരത ചരിത്രത്തിലെ സുവർണ്ണ അദ്ധ്യായമാകുമെന്ന് പ്രധാനമന്ത്രി നരേന്ദ്രമോദി . രാജ്യത്തെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം .ബർലിൻ മതിൽ തകർന്നതിന്റെ വാർഷിക ദിനമായ ഇന്ന് ഇന്ത്യയെ സംബന്ധിച്ചിടത്തോളം ഏറെ പ്രാധാന്യമുണ്ട് . കർത്താർപൂർ ഇടനാഴിയുടെ ഉദ്ഘാടനം , വർഷങ്ങളായി ഇന്ത്യ കാത്തിരുന്ന വിധി ഇവയാണ് ഇന്ന് ഉണ്ടായത് .

വിധി രാജ്യം പൂർണ്ണ മനസ്സോടെ സ്വീകരിച്ചു . വെല്ലുവിളികൾ ഒരുമിച്ച് നേരിടണം . നാനാത്വത്തിൽ ഏകത്വം ഉറപ്പാക്കുന്ന വിധി .നീതിന്യായ വ്യവസ്ഥയുടെ സുതാര്യത ഉറപ്പാക്കി . ഭരണഘടനയുടെ ശക്തിയാണ് വ്യക്തമായത് . ജനാധിപത്യത്തിന്റെ ശക്തമായ പ്രതിഫലനമാണ് വിധിയെന്നും അദ്ദേഹം പറഞ്ഞു .

സമാധാനപൂര്‍വമായ സഹവര്‍ത്തിത്വം നിലനിര്‍ത്താനുള്ള ഇന്ത്യന്‍ ജനതയുടെ സഹജമായ പ്രതിജ്ഞാബദ്ധതയാണ് കോടതിവിധിയെത്തുടര്‍ന്ന് കാണുന്നത് . ഈ നവംബർ 9 നമുക്ക് കാട്ടുന്നത് പുരോഗതിയിലേയ്ക്ക് കുതിക്കാനുള്ള മാർഗമാണ് .ഇവിടെ ഭയത്തിനു സ്ഥാനമില്ല – പ്രധാനമന്ത്രി പറഞ്ഞു .

അയോദ്ധ്യയിലെ വിധി വരുന്നതിനു മുൻപ് തന്നെ പ്രധാനമന്ത്രി ജനങ്ങളോട് സമാധാനം കാംക്ഷിക്കാൻ അഭ്യർത്ഥിച്ചിരുന്നു . ചരിത്ര വിധി ജുഡീഷ്യറിയിലുള്ള ജനങ്ങളുടെ സമാധാനം ഊട്ടിയുറപ്പിച്ചെന്നായിരുന്നു ഇന്ന് പ്രധാനമന്ത്രിയൂടെ ആദ്യ പ്രതികരണം . രാമ ഭക്തിയായാലും, റഹീം ഭക്തിയായാലും രാജ്യത്തിന്റെ ശക്തിയും അഖണ്ഡതയും കാത്തു സൂക്ഷിക്കുന്നതിനോടൊപ്പം എല്ലാവരും സമാധാനവും ഐക്യവും നിലനിര്‍ത്തണമെന്നും അദ്ദേഹം പ്രസ്താവിച്ചിരുന്നു .

1K Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close