Kerala

പരിശീലനത്തിനിടെ ഗോള്‍ പോസ്റ്റ് തലയില്‍ വീണു; രണ്ടു പേര്‍ക്ക് പരിക്ക്

തിരുവനന്തപുരം: പരിശീലനത്തിനിടെ ഗോള്‍ പോസ്റ്റ് തലയില്‍ വീണ് രണ്ടു പേര്‍ക്ക് പരിക്ക്. സെന്‍ട്രല്‍ സ്റ്റേഡിയത്തിലെ പരിശീലനത്തിനിടെയാണ് അപകടം. ആകാശ്, അരുണ്‍ എന്നിവര്‍ക്കാണ് പരിക്കേറ്റത്. പരിക്കേറ്റവരെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരിക്കുകയാണ്. ഇരുവരുടെയും പരിക്ക് ഗുരുതരമല്ലെന്നാണ് ആശുപത്രി അധികൃതര്‍ അറിയിച്ചത്.

പാലായിലെ ജൂനിയര്‍ അത്‌ലറ്റ് മീറ്റിനിടെ ഹാമര്‍ തലയില്‍ വീണ് അഫീല്‍ ജോണ്‍സണ്‍ എന്ന വിദ്യാര്‍ത്ഥി മരണപ്പെട്ടിട്ട് ദിവസങ്ങള്‍ മാത്രം പിന്നിടുമ്പോഴാണ് വീണ്ടും വീഴ്ച്ചകള്‍ റിപ്പോര്‍ട്ട് ചെയ്യപ്പെടുന്നത്. സംഘാടകരുടെ വീഴ്ച്ചയാണ് അഫീലിന്റെ ജീവന്‍ നഷ്ടപ്പെടാന്‍ കാരണം.

കോഴിക്കോട് റവന്യു ജില്ലാ സ്‌കൂള്‍ കായിക മേളക്കിടയിലും ഹാമര്‍ പൊട്ടി വീണ് വിദ്യാര്‍ത്ഥിക്ക് പരിക്കേറ്റിരുന്നു. ആര്‍ കെ മിഷന്‍ സ്‌കൂളിലെ എട്ടാം ക്ലാസ് വിദ്യാര്‍ഥി മുഹമ്മദ് നിഷാനാണ് പരിക്കേറ്റത്. വിദ്യാര്‍ത്ഥി എറിയാന്‍ ശ്രമിക്കുന്നതിനിടെ സ്ട്രിംഗ് പൊട്ടി ഹാമര്‍ വീഴുകയായിരുന്നു.

62 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close