India

ഇന്ത്യന്‍ നീതിന്യായ വ്യവസ്ഥ ലോകത്തെല്ലായിടത്തും ബഹുമാനിക്കപ്പെടുന്നു; മനോജ് തീവാരി

ന്യൂഡല്‍ഹി: ഇന്ത്യന്‍ നീതിന്യായ വ്യവസ്ഥ ലോകത്തെല്ലായിടത്തും ബഹുമാനിക്കപ്പെടുന്നുവെന്ന് മനോജ് തിവാരി. അയോദ്ധ്യാ വിധിയില്‍ പ്രതികരിക്കുകയായിരുന്നു അദ്ദേഹം. അയോദ്ധ്യാ കേസില്‍ സുപ്രീം കോടതിയുടെ വിധി ന്യായമാണെന്നും കേസില്‍ ഉള്‍പ്പെട്ട ഇരുവിഭാഗങ്ങള്‍ക്കും തൃപ്തികരമായ വിധിയാണ് കോടതിയുടെ ഭാഗത്തു നിന്നുണ്ടായതെന്നും അദ്ദേഹം കൂട്ടിച്ചേര്‍ത്തു.

സമാധാനന്തരീക്ഷം നിലനിര്‍ത്താന്‍ വേണ്ട നടപടികള്‍ സ്വീകരിച്ചതിന് പ്രധാനമന്ത്രി നരേന്ദ്ര മോദിയ്ക്കും ഉത്തര്‍പ്രദേശ് സര്‍ക്കാരിനും അദ്ദേഹം നന്ദിയറിയിക്കുകയും ചെയ്തു. എല്ലാ വിഭാഗവും സുപ്രീം കോടതിയുടെ വിധി അംഗീകരിച്ചു. സമാധാനത്തിന്റേയും ഒത്തൊരുമയുടെയും പ്രതീകമാണതെന്നും അദ്ദേഹം കൂട്ടിച്ചേര്‍ത്തു.

എഐഎംഐഎം അദ്ധ്യക്ഷനുമായ അസദുദ്ദീന്‍ ഒവൈസിയുടെ നിലപാടിനെ അദ്ദേഹം വിമര്‍ശിക്കുകയും ചെയ്തു. ഒവൈസിയുടെ രാഷ്ട്രീയം ഹിന്ദുക്കളെയും മുസ്ലീംങ്ങളേയും തമ്മിലടിപ്പിക്കുകയാണ്. ഹിന്ദുവും മുസ്ലീം സാഹോദര്യത്തോടെ കഴിയുമ്പോള്‍ ഒവൈസിയുടെ രാഷ്ട്രീയം അവസാനിക്കുമെന്നും അദ്ദേഹം പറഞ്ഞു.

സുപ്രീം കോടതി പരമോന്നതമാണെന്നും എന്നാല്‍ തെറ്റുപറ്റിക്കൂടായ്കയില്ല എന്നുമായിരുന്നു ഒവൈസിയുടെ പ്രതികരണം. സത്യത്തിനു മേല്‍ വിശ്വാസം നേടിയ വിജയമെന്നാണ് ഒവൈസി അയോധ്യ വിധിയെ വിശേഷിപ്പിച്ചത്. 5 ഏക്കര്‍ ഭൂമി ഔദാര്യമായി വേണ്ടെന്നും അത് നിരസിക്കണമെന്നും പറഞ്ഞ ഒവൈസി മുസ്ലീങ്ങള്‍ അവരുടെ അവകാശങ്ങള്‍ക്ക് വേണ്ടി പോരാടണമെന്നും ആഹ്വാനം ചെയ്തിരുന്നു.

152 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close