തിരുവനന്തപുരം: സിനിമാ ടിക്കറ്റിന് മേലുള്ള വിനോദ നികുതി പിന്വലിക്കാനാവില്ലെന്ന് ധനമന്ത്രി തോമസ് ഐസക്ക്. സാമ്പത്തിക പ്രതിസന്ധിക്കിടയില് നികുതിയിളവ് നല്കാനാവില്ല. അഞ്ചു ശതമാനം നികുതിക്കുമേല് ജി എസ് ടി ഏര്പ്പെടുത്താനുള്ള തീരുമാനം ജി എസ് ടി കൗണ്സില് അംഗീകരിച്ചിരുന്നുവെന്നും, ആകെ നികുതി 18 ശതമാനത്തിനു മുകളില് പോകില്ലെന്നും മന്ത്രി വ്യക്തമാക്കി. മാണി സി കാപ്പന്റെ സബ്മിഷന് മറുപടിയായി ആണ് മന്ത്രി ഇക്കാര്യം വ്യക്തമാക്കിയത്.
സെപ്റ്റംബര് ഒന്നു മുതല് സിനിമാ ടിക്കറ്റുകളില് വിനോദ നികുതി കൂടി ഉള്പ്പെടുത്താന് സര്ക്കാര് ഉത്തരവ് പുറപ്പെടുവിച്ചിരുന്നു. എന്നാല് ഈ ഉത്തരവ് ഹൈക്കോടതി സ്റ്റേ ചെയ്യുകയായിരുന്നു. വിനോദ നികുതി ചുമത്താനുള്ള അധികാരം സര്ക്കാരിനല്ല തദ്ദേശ സ്ഥാപനങ്ങള്ക്കാണെന്ന വാദം അംഗീകരിച്ചാണ് ഉത്തരവിന് താല്ക്കാലിക സ്റ്റേ നല്കിയത്.
100 രൂപയില് താഴെയുള്ള ടിക്കറ്റുകള്ക്ക് അഞ്ചു ശതമാനവും 100 രൂപയ്ക്ക് മുകളിലുള്ളവയ്ക്ക് 8.5 ശതമാനം വിനോദ നികുതിയും ചുമത്താനായിരുന്നു തീരുമാനം. പ്രേക്ഷകരെ പ്രതിനിധീകരിച്ച് സുജിത് മജീദ് എന്നയാള് നല്കിയ ഹര്ജിയിലായിരുന്നു കോടതി നടപടി.