Kerala

ചന്ദ്രിക പത്രത്തിന്റെ അക്കൗണ്ടിലേയ്ക്ക് ഇബ്രാഹിം കുഞ്ഞ് പണം കൈമാറിയ സംഭവം; കേസ് ഹൈക്കോടതി ഇന്ന് പരിഗണിക്കും

കൊച്ചി:ചന്ദ്രിക ദിനപത്രത്തിന്റെ അക്കൗണ്ട് വഴി വി കെ ഇബ്രഹിം കുഞ്ഞ് പണം കൈമാറിയ സംഭവത്തില്‍ എന്‍ഫൊഴ്‌സ്‌മെന്റ് ഡയറക്ടറേറ്റ് ഹൈക്കോടതിയില്‍ ഇന്ന് നിലപാട് അറിയിക്കും.

ചന്ദ്രിക ദിനപത്രത്തിന്റെ അക്കൗണ്ടില്‍ എത്തിയ തുകയുടെ ഒരു ഭാഗം വി കെ ഇബ്രാഹിം കുഞ്ഞ് കൈപറ്റി എന്നു വ്യക്തമാക്കി. ഹൈക്കോടതിയില്‍ എത്തിയ ഹര്‍ജിയിലാണ് എന്‍ഫോഴ്‌സ്‌മെന്റ് നിലപാട് അറിയിക്കുക. കൈമാറ്റം ചെയ്ത തുക പാലാരിവട്ടം പാലം അഴിമതി നടത്തിയ പണം ആണെന്നാണ് ഹര്‍ജിക്കാരുടെ ആരോപണം.

Loading...

ചന്ദ്രിക ദിനപത്രം അക്കൗണ്ടിലേക്ക് 10 കോടി വന്നിട്ടുണ്ടന്ന് വിജിലന്‍സ് ഹൈക്കോടതിയെ അറിയിച്ചിരുന്നു. ഇബ്രാഹിം കുഞ്ഞു അഴിമതി പണം വെളുപ്പിക്കാന്‍ ശ്രമിച്ചുവെന്ന ഹര്‍ജിയിലാണ് വിജിലന്‍സ് വിശദീകരണം നല്‍കിയത്. ഇത് സംബന്ധിച്ചു പ്രാഥമിക പരിശോധന നടത്തിയെന്നും കൂടുതല്‍ പരിശോധനയ്ക്കായി സര്‍ക്കാരിന്റെ അനുമതി ആവശ്യമെന്നും വിജിലന്‍സ് കോടതിയെ അറിയിച്ചിരുന്നു.

അഴിമതി പണം വെളുപ്പിക്കാന്‍ മുന്‍മന്ത്രി വി കെ ഇബ്രാഹിം കുഞ്ഞ് ചന്ദ്രിക ദിനപത്രത്തിന്റെ അക്കൗണ്ട് ദുരുപയോഗം ചെയ്‌തെന്ന ഹര്‍ജിയാണ് ഹൈക്കോടതി പരിഗണിച്ചിരുന്നത്. ഹര്‍ജിയില്‍ എന്‍ഫോഴ്‌സ്‌മെന്റിനെ കക്ഷി ചേര്‍ക്കണമെന്ന് കോടതി നിര്‍ദ്ദേശം നല്‍കിയിരുന്നു. അഴിമതി പണം വെളുപ്പിക്കാന്‍ മുന്‍മന്ത്രി പത്രത്തിന്റെ രണ്ട് അക്കൗണ്ടുകളിലേക്കായി പത്ത് കോടിയിലേറെ രൂപ നിക്ഷേപിച്ചതായി ചൂണ്ടിക്കാട്ടി കളമശേരി സ്വദേശി ജി. ഗിരീഷ് ബാബുവാണ് കോടതിയെ സമീപിച്ചത്.

174 Shares

Scroll down for comments

Loading...

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close