Saudi Arabia

സൗദി അറേബ്യയിലെ  അബ്‌ഖൈക്കിൽ വാഹനാപകടത്തിൽ മലയാളി എഞ്ചിനീയര്‍ മരിച്ചു 

ദമ്മാം : സൗദി അറേബ്യയിലെ കിഴക്കൻ പ്രവിശ്യയായ അബ്‌ഖൈക്കിൽ വാഹനാപകടത്തിൽ മലയാളി മരിച്ചു .നെയ്യാറ്റിന്‍കര സ്വദേശി കൃഷ്ണകുമാര്‍ (49 )  ആണ് മരിച്ചത് . 13 വര്‍ഷത്തോളമായി അബ്ഖൈഖിലെ എം എസ് കെ കമ്പനിയില്‍  എഞ്ചിനീയര്‍ ആയി ജോലി ചെയ്തുവരികയായിരുന്നു.

ചൊവ്വാഴ്ച വൈകിട്ട് അബ്‌ഖൈഖ് ഐൻദാരിൽ കൃഷ്ണകുമാർ ഓടിച്ചിരുന്ന കാർ പാർക്ക് ചെയ്തു റോഡ് മുറിച്ചു കടക്കുന്നതിനിടെ വാഹനമിടിക്കുകയായിരുന്നു. ആദ്യം അബ്‌ഖൈഖ് ആശുപത്രിയിലും തുടർന്ന് ദമ്മാം സെൻട്രൽ  ആശുപത്രിയിലും എത്തിച്ചെങ്കിലും പുലർച്ചെ ഒന്നരയോടെ മരണം സംഭവിക്കുകയായിരുന്നു .

അബ്‌ഖൈഖിൽ നവോദയ സാംസ്‌കാരിക കുടുംബവേദിയുടെ സജീവ പ്രവർത്തകനായിരുന്നു .സൗദിയിൽ അബ്‌ഖൈഖിലുണ്ടായിരുന്ന ഭാര്യ സജിതയും മക്കൾ നന്ദന, ധ്രുവ്, ദേവ് എന്നിവരും ഇപ്പോൾ നാട്ടിലാണ്. ദമ്മാം സെൻട്രൽ ആശുപത്രിയിൽ സൂക്ഷിച്ചിരിക്കുന്ന മൃതദേഹം നാട്ടിലെത്തിക്കാനുള്ള നടപടികൾ ആരംഭിച്ചതായി  നവോദയ സാമൂഹ്യക്ഷേമ വിഭാഗം അറിയിച്ചു.

0 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close