Kerala

കടൽ ഒരിക്കലും ഭയപ്പെടുത്തിയിട്ടില്ല , ആത്മവിശ്വാസം കൂടിയിട്ടേയുള്ളു ; അഭിലാഷ് ടോമി

തിരുവനന്തപുരം : ഗോൾഡൻ ഗ്ലോബ് റേസിൽ പങ്കെടുക്കാൻ വീണ്ടുമൊരുങ്ങി നാവിക കമാൻഡർ അഭിലാഷ് ടോമി . 2018 ൽ നടന്ന അപകടത്തിനു ശേഷം തന്റെ ആത്മവിശ്വാസം വർദ്ധിച്ചിട്ടേയുള്ളൂവെന്നും ടോമി പറഞ്ഞു . തിരുവനന്തപുരം കഴക്കൂട്ടം സൈനിക സ്‌കൂളിലെ വിദ്യാർത്ഥികളോട് സംവദിക്കുകയായിരുന്നു അഭിലാഷ് .

അപകടത്തിന് ശേഷം കുടുംബത്തിൽ നിന്ന് ലഭിച്ച പിന്തുണ അത്ഭുതപ്പെടുത്തി.അപകടം തന്നെ തളർത്തിയിട്ടില്ല , കടലൊരിക്കലും തന്നെ ഭയപ്പെടുത്തിയിട്ടുമില്ല . കരയുമായി താരതമ്യപ്പെടുത്തുമ്പോൾ കടൽ ശാന്തവും മനോഹരവുമാണ് . പ്ലാസ്റ്റിക് മാലിന്യം കടലിനെ വിഴുങ്ങുന്ന കാഴ്ചയാണ് ഏറ്റവും വേദനിപ്പിക്കുന്നതെന്നും അഭിലാഷ് ടോമി പറഞ്ഞു .

2018 സെപ്തംബർ 21നാണ് കമാൻഡർ അഭിലാഷ് ടോമിയുടെ തുരിയ എന്ന പായ് വഞ്ചി അപകടത്തിൽപ്പെട്ടത്. രണ്ട് ദിവസങ്ങൾക്ക് ശേഷം സെപ്തംബർ 23നാണ് അഭിലാഷ് ടോമിയുടെ പായ്‌വഞ്ചി കണ്ടെത്തുന്നത്. ഇന്ത്യൻ നാവിക സേനയുടെ പി-81 വിമാനമാണ് ദക്ഷിണ ഇന്ത്യൻ മഹാസമുദ്രത്തിൽ അഭിലാഷിന്റെ പായ് വഞ്ചി കണ്ടെത്തിയത്. തൊട്ടടുത്ത ദിവസമാണ് അഭിലാഷ് ടോമിയെ രക്ഷപ്പെടുത്തുന്നത്.

405 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close