News

ഇന്ദിരാഗാന്ധി വിമാനത്താവളത്തില്‍ നിന്നും വിദേശ നോട്ടുകള്‍ പിടികൂടി; മൂന്ന് ചൈനീസ് പൗരന്മാര്‍ അറസ്റ്റില്‍

ന്യൂഡല്‍ഹി : ഇന്ദിരാഗാന്ധി അന്താരാഷ്ട്ര വിമാനത്താവളത്തില്‍ നിന്നും വിദേശ നോട്ടുകള്‍ പിടികൂടി. സംഭവത്തില്‍  മൂന്ന് ചൈനീസ് പൗരന്മാരെ സുരക്ഷാ സേന അറസ്റ്റ് ചെയ്തു. ഫണ്‍ കിംഗ്‌ലിയാംഗ്, ഗ്വാന്‍ ജിയാന്‍ ഹാംഗ്, ഹെ വാംഗ് എന്നിവരെയാണ് അറസ്റ്റ് ചെയ്തത്. 55,000 അമേരിക്കന്‍ ഡോളറാണ് ഇവരുടെ പക്കല്‍ നിന്നും പിടികൂടിയതെന്ന് ഉദ്യോഗസ്ഥര്‍ അറിയിച്ചു.

ഏകദേശം 39 ലക്ഷം രൂപയോളം വരുന്ന ഡോളറുകളാണ് ഇവരുടെ പക്കല്‍ നിന്നും പിടിച്ചെടുത്തിട്ടുള്ളത്. ബാഗുകള്‍ക്കിടയിലാണ് പണം ഒളിപ്പിച്ചിരുന്നത്. പണം കൈവശം വെച്ചതിന് രേഖകളൊന്നും തന്നെ ഇവരുടെ പക്കല്‍ ഉണ്ടായിരുന്നില്ല. തുടര്‍ന്നാണ് മൂന്ന് പേരെയും അറസ്റ്റ് ചെയ്തത്.

കഴിഞ്ഞ ദിവസം വിമാനത്താവളം വഴി മൊബൈല്‍ ഫോണുകള്‍ കടത്താന്‍ ശ്രമിച്ചതിന് രണ്ട് ചൈനീസ് പൗരന്മാരെ കസ്റ്റംസ് ഇന്റലിജന്‍സ് ഉദ്യോഗസ്ഥര്‍ അറസ്റ്റ് ചെയ്തിരുന്നു. ഇതിന് പിന്നാലെയാണ് മൂന്ന് പേരെ കൂടി പിടികൂടുന്നത്. സംഭവത്തില്‍ ഉദ്യോഗസ്ഥര്‍ അന്വേഷണം ആരംഭിച്ചു. കൂടുതല്‍ വിവരങ്ങള്‍ക്കായി പ്രതികളെ ചോദ്യം ചെയ്യുകയാണ്. ഇന്നലെ പിടിയിലായവരും ഇവരും തമ്മില്‍ ബന്ധമുണ്ടോ എന്നും അന്വേഷണ സംഘം പരിശോധിക്കുന്നുണ്ട്.

286 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close