കുവൈറ്റ് സിറ്റി : സെന്റ് ഗ്രീഗോറിയോസ് ഇന്ത്യൻ ഓർത്തഡോക്സ് മഹാഇടവകയുടെ ഇടവകദിനവും, പ്രാർത്ഥനായോഗങ്ങളുടെ രജത ജൂബിലി ആഘോഷങ്ങളും മുൻ വികാരി സാമുവേൽ ജോൺ കോർ-എപ്പിസ്കോപ്പാ ഭദ്രദീപം തെളിയിച്ച് ഉത്ഘാടനം ചെയ്തു.
ഇടവക വികാരി ഫാ. ജിജു ജോർജ്ജ് അദ്ധ്യക്ഷത വഹിച്ച യോഗത്തിൽ സഹവികാരി ഫാ. ലിജു പൊന്നച്ചൻ സ്വാഗതവും ആക്ടിംഗ് ട്രഷറാർ തോമസ് മാത്യൂ നന്ദിയും പറഞ്ഞു. ഇടവക സെക്രട്ടറി ജിജി ജോൺ പ്രവർത്തന റിപ്പോർട്ട് അവതരിപ്പിച്ചു.
ഇടവക മുൻവികാരി ഫാ. ജേക്കബ് തോമസ്, എൻ.ഈ.സി.കെ. സെക്രട്ടറി റോയ് യോഹന്നാൻ, സഭാ മാനേജിംഗ് കമ്മിറ്റിയംഗം ബാബു വർഗ്ഗീസ്, ഭദ്രാസന മിഷൻ കോർഡിനേറ്റർ ഷാജി എബ്രഹാം, ഭദ്രാസന കൗൺസിലംഗം എബ്രഹാം അലക്സ്, എം.ജി.ഓ.സി.എസ്.എം. കേന്ദ്ര കമ്മിറ്റിയംഗം ബിജു ചെറിയാൻ, പ്രാർത്ഥനയോഗ ജനറൽ സെക്രട്ടറി സാമുവേൽ ചാക്കോ എന്നിവർ പ്രസംഗിച്ചു.